بتوقيع شاهندا صلاح.. "ليه تعملها دراما" أغنية جديدة لـ محمد الجارحي

يستعد المطرب محمد الجارحي، لطرح أغنية جديدة تحمل اسم "ليه تقلبها دراما"، عبر قناته الرسمية على منصة "يوتيوب"، بالإضافة للمنصات الموسيقية المصرية والعربية.

تفاصيل أغنية "ليه تعملها دراما"

أغنية "ليه تقلبها دراما"، غناء محمد الجارحي، وألحان الموسيقار خالد فؤاد، وكلمات الشاعرة شاهندا صلاح، في أول أعمالها الفنية في مجال تأليف الأغاني المصرية.

كلمات أغنية "ليه تعملها دراما"

ليه تعملها دراما.. ياللا مع السلامة
تبعد وتغيب أنا كده هرتاح ..مفيش بيننا ملامة
ليه تعملها دراما.. شفت أنا منك ياما
تروح وتسيب تجيبها في النصيب.. جرحك ساب فيا علامة
أنا اللي غلطان
بسابق الريح عشان
إنسان أناني جبان
عايش عشان نفسه مش عشاني
ده ولا كان
بيرحم قلبي زمان
وأنا مديله الأمان
هنساك وهعيش تاني لنفسي اللي وحشاني
ليه تعملها دراما.. ياللا مع السلامة
تبعد وتغيب أنا كده هرتاح.. مفيش بيننا ملامة
ليه تعملها دراما.. شفت أنا منك ياما
تروح وتسيب تجيبها في النصيب.. جرحك ساب فيا علامة
حبيبي.. البعد قواني
مفيش حبيب تاني
يهجر وينساني
اتعلمت الدرس من اللي أذاني
كنت كل الناس.. بقيت زي كل الناس
نسيت ليالينا خلاص
أنا والنجوم وهواك ده كان برنامج للأغاني
ليه تعملها دراما 
مفيش بيننا ملامة
ليه تعملها دراما 
جرحك ساب فيا علامة