أمام المدرسة، تأييد حبس المتهمتين بالتعدي على الطالبة سما في الهرم

قضت محكمة جنح الطالبية، بتأييد الحكم على المتهمتين بالتعدي على الطالبة سما في منطقة الهرم، بالحبس شهرين وإلزامهما المصاريف.

القبض على المتهمين بالتعدي على الطالبة سما

وكانت أجهزة الأمن ألقت القبض على المتهمين بنصب كمين لتلميذة والتعدي عليها أمام مدرسة بمنطقة الهرم، بعد نشر "تليجراف مصر" للواقعة.

ووقعت طالبة بالمرحلة الإعدادية تدعى "سما" ضحية لاعتداء وحشي من قبل أسرة إحدى زميلاتها، على خلفية خلافات بسيطة وقعت بينهما في المدرسة.

والدة طالبة الهرم تروي التفاصيل

وقالت والدة الطالبة في وقت سابق: "يوم التلات حصلت مشادة بين بنتي سما وزميلة ليها، البنت وقفت وسط صحابها وقالت على بنتي ساقطة، وهي مش كدا أصلًا، وده تسبب في شجار صغير، لكن بنتين من تالتة إعدادي تدخلوا وفضّوا الخناقة، والموضوع خلص وما خدش أي حجم".

وأضافت الأم في بث مباشر لـ"تليجراف مصر": "تاني يوم، رُحت أدي لبنتي المفاتيح عشان كانت ناسياها وأنا رايحة شغلي، وهي مدرستها مسائي، الساعة 4 ونص لقيتها بترن، أنا متعودة تقولي (أنا مروحة)، لكن المرة دي قالتلي: الحقيني، وبعدها التليفون اتسحب منها، وواحدة ست كلمتني وقالتلي إن بنتي ضربت بناتها الخمسة وليها حق عندي".

سمعت صراخ بنتي في التليفون

وتابعت: "سمعت صوت بنتي وهي بتصرخ وبتتشتم، وعرفت إنهم مسكوا فيها، لكن ما تخيلتش الموضوع يكبر كده، قولتلها تديها التليفون ونقابل مديرة المدرسة، ولو ليها حق أنا هجيبهولها، لكنها قالت لبناتها سيبوها وقفلت السكة، اتحركت من شغلي في حدائق الأهرام، وبعدها صحاب سما كلموني قالولي: الحقي سما سايحة في دمها ومغمى عليها".

وأضافت: "بنتي مالهاش ذنب، إيه اللي عملته عشان يحصل فيها كده؟! دي بلطجة، الخمسة نزلوا عليها من غير رحمة، بنتي من يومها مش بتتكلم ولا بتاكل، وحالتها النفسية منهارة، وبتقول مش هروح المدرسة تاني".

اقرأ أيضًا:

نصبوا لها كمينًا، الحبس شهرين للمتهمين بالتعدي على الطالبة سما بالجيزة

في واقعة "كمين المدرسة".. إخلاء سبيل المتهمة بالتعدي على "طالبة الهرم"

والدة "طالبة الهرم": “بيهددوني بإيذاء بنتي إذا ما اتنازلتش”