الإثنين، 09 فبراير 2026

03:01 م

“البنات تعاطفوا معايا”.. صاحب فيديو الأتوبيس يدافع عن نفسه بعد ادعاءات التحرش

الشاب صاحب واقعة الأتوبيس

الشاب صاحب واقعة الأتوبيس

كشف الشاب صاحب واقعة التحرش في الأتوبيس، أسامة، تفاصيل جديدة حول اتهامه من قِبل فتاة تدعى مريم شوقي بالتحرش والسرقة، بعدما قامت بتصوير مقطع فيديو لتوثيق ما قام به وسط صمت الركاب، وعليه تصدر المقطع ترند المواقع البحثية خلال الساعات الأخيرة.

واقعة الأتوبيس

وقال الشاب أسامة خلال مقطع فيديو متداول على مواقع التواصل الاجتماعي، إنه انتهى من عمله واستقل الأتوبيس ذاهبًا إلى بيته، وكانت مريم تقف بجانبه، بينهما مسافة تُقدر بحوالي متر ونصف.

وأضاف الشاب خلال المقطع المتداول، أنه فجأة وجد الفتاة تصرخ وتهاجمه، قائلة: "متحرش وحرامي"، وردّ عليها الكمسري: "يا بنتي ماعملش حاجة ده واقف بعيد عنك"، ردت عليه: "لا ده من زمان سرق مني 200 جنيه".

واقعة التحرش بالأتوبيس

وأوضح الشاب أن الركاب ظهروا صامتين متعجبين من حالة الفتاة، واصفين إياها أنها غير طبيعية، قائلًا: "البنات بقت بتبعدني عنها وتقولي دي شكلها مريضة ومش طبيعية".

وتابع أسامة أن الفتاة مريم اتهمته بأنه يتتبعها منذ 7 أيام، متسائلًا: "ليه ساكتة ومستحملة كل المدة دي حد بيمشي وراكي وبيضايقك كل يوم؟".

ورد الشاب صاحب مقطع الأتوبيس على عبارة ملابس الفتاة، قائلا: "الناس فكراني ببرر التحرش لما قولتلها إيه لبسك ده لكن مش دي الحقيقة.. هي كانت بتتكلم وتقول ديني فالراجل صاحب السبحة قالها الدين بريء منك باللبس اللي إنتي لابساه.. فأنا رديت قولتلها دين إيه؟؟ إنتي تعرفي إيه عن الدين باللبس اللي إنتي لابساه ده".

وأكد الشاب أنه لا يبرر التحرش ولا يدافع عن نفسه، موضحًا أنه برئ من التهم التي التصقت به على مواقع التواصل الاجتماعي: "حسبي الله ونعم الوكيل.. أنا راجل متجوز ومتربي وعندي أم وأخت وبإذن الله ربنا هيظهر الحق قدام كل الناس ولو أنا غلطان اتحاسب".

اقرأ أيضًا: 

"صورته علشان أفضحه"، مريم ضحية "متحرش الأتوبيس" تروي تفاصيل ليلة الرعب (فيديو)

تابعونا على

search