لقاء الخميسي: أخدت قلم على وشي لكن مخربش بيتي

تحدثت الفنانة لقاء الخميسي، عن الأزمة الأخيرة التي واجهت أسرتها بعد زواج محمد عبد المنصف من إيمان الزيدي قبل أن ينفصلا، وأكدت الفنانة أنها اختارت التصرف بعقلانية للحفاظ على أسرتها، قائلة "مخربش بيتي".

وقالت لقاء الخميسي خلال استضافتها في برنامج Mirror مساء الأربعاء: "إحنا كنا عائلة مستورة، قافلة على نفسها، محدش يعرف عننا حاجة، والستر اتشال في لحظة بسبب جواز عشان يعلمنا درس".

وأضافت لقاء: "لا كنت شايفة ولا سامعة ولا حاسة بأي حاجة غير إن أنا خدت قلم على وشي، الطرف الآخر فاكر إنه هيخرب بيتي، لكن أنا مش بخرب بيتي.. الكرامة مبتتسكرش لما بتحافظ على بيتك وعيالك ومستقبل عيالك".

رسالة لقاء: حافظوا على أسركم 

واتسمت ردود أفعال لقاء الخميسي، بالحكمة منذ بداية الصدمة، حيث حسمت الجدل منذ البداية بنفي أي شائعات عن انفصالها عن محمد عبدالمنصف، بعد أنباء زواجه من سيدة غيرها ثم انفصاله عنها.

كانت لقاء، نشرت عبر حسابها الرسمى على موقع إنستجرام، فيديو يجمعها بزوجها عبدالمنصف، وأطفالهما، فى إشارة إلى استمرار الروابط الأسرية.

وعلقت لقاء على الفيديو، قائلة "الدنيا بتختبرنا دايمًا وأبدًا، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا.. الحكمة بتظهر من قلب الحزن.. وبنقعد نفكر إيه الصح وإيه الغلط وهل اللى عدينا بيه شر ولا خير".

وأضافت: مفيش حد ما بيغلطش، بس القوى الحقيقى بيعترف بالغلط وبيرجع لصوابه. ربنا فتحلنا باب المغفرة والسماح.. شكرًا من قلبى لكل إنسان دعمنى ووقف جنبى وطبطب عليا وشكرًا لكل أصدقائى المقربين اللى وقفوا جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة".

وتابعت: آخر حاجة هاقولها، أسهل حاجة فى الدنيا هدم البيوت العمرانة وأقوى حاجة فى الدنيا إننا نحافظ على حياتنا ونحارب على بيوتنا وأولادنا بالحب والسلام.. كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بالحب.

وختمت رسالتها قائلة "لكل ست وربة منزل حافظى على بيتك وعائلتك بكل قواكى واوعى تدى الفرصة لأى إنسان إنه يهدم بيت العيلة، بحبكم من كل قلبى أصدقائى وعيلتى الكبيرة".