العمدة يروي تفاصيل تدخله في واقعة ميت عاصم: ضربته قلم عشان أهدّي الناس

إجبار شاب على ارتداء ملابس نسائية

A . .A

كشف عمدة قرية ميت عاصم بمركز بنها في القليوبية، تفاصيل جديدة في واقعة إجبار شاب على ارتداء “بدلة رقص” في شوارع القرية.

عمدة القرية يكشف تفاصيل الواقعة

وقال العمدة حازم خلف الله، في تصريح لـ"تليجراف مصر": “أنا كنت في البيت واتصل عليا شيخ البلد وناس كتير من القرية وقالوا لي على اللي حصل، وأنا معنديش غفر، فطلعت جري على مكان الواقعة لوحدي، ولما وصلت لقيت أكتر من 200 شاب واقفين بيتفرجوا وبيصوروا، وفي منهم ماسك أسلحة بيضاء”.

ضربت الشاب علشان أمتص الغضب واسيطر على الموقف

وأضاف عمدة القرية: “أنا لما شوفت المنظر مكنتش عارف أتصرف إزاي وسط الزحمة والغضب ده كله، ضربت الشاب قلم عشان أمتص غضبهم وأحاول أسيطر على الموقف، وبعد كده خدت الشاب وغيرت له هدومه، واتصلت بالقسم فورًا عشان يبلغوا ويتعاملوا مع الموضوع”.

مطالبات بضبط عمدة القرية في واقعة "الشاب والملابس النسائية"

وكان مستخدمو مواقع التواصل الاجتماعي، أعادوا تداول العديد من مقاطع الفيديو المتعلقة بواقعة التعدي على شاب بقرية ميت عاصم بالقليوبية وإجباره على ارتداء ملابس نسائية، متهمين أطرافا آخرين بالاشتراك في الجريمة.

وزعم المتداولون اشتراك عمدة القرية في الجريمة، إذ ظهر وهو يصفع الشاب على وجهه وتعدى عليه بالاشتراك مع باقي المتهمين.

وطالب عدد من المتابعين بسرعة فحص تلك المقاطع، وبيان حقيقة ظهور العمدة في الواقعة، واتخاذ الإجراءات القانونية اللازمة حال ثبوت تورطه.

بدء التحقيق مع المتهمين بواقعة إجبار شاب على ارتداء "بدلة رقص" بالقليوبية

عقوبات رادعه تنتظر المتهمين بإجبار شاب على ارتداء "قميص نوم" بالشارع