عمرو سعد: الخير في العلن مفيد.. وهتكفل بـ30 حالة غارم وغارمة

أعلن الفنان عمرو سعد، مبادرته الإنسانية لتكفل 30 حالة من الغارمين والغارمات، مؤكدًا أنه سيتكفل بجميع المصاريف حتى خروجهم من السجن.

التكفل بـ 30 حالة غارم وغارمة

وقال عمرو سعد على صفحته الرسمية على "فيس بوك": "احنا بنعلن أننا، بأمر الله، هنتكفل بـ30 حالة من حالات الغارمين والغارمات، تكفل كامل بكل المصاريف لحد ما يطلعوا من السجن، عشان الاسم يبقى على مسمى ولحد ما يوصلوا لبيوتهم وأهاليهم".

الدال على الخير كفاعله

وأضاف: "أعلن عن ده دلوقتي لأن الدال على الخير كفاعله، وأحيانًا يكون عمل الخير في العلن مفيد عشان نشاور لزمايلنا وأصدقائنا على إن ده ممكن يحصل ويُحدث فرقًا".

 بنعمله لمساعدة الناس فعليًا

وأشار أن المبادرة تأتي بعيدًا عن الدعاية التجارية: "أحيانًا ييجي تيم السوشيال ميديا ويطلب ميزانيات كبيرة ويفكر في لايكات وتعليقات، لكن إحنا ما بنعملش ده عشان الدعاية، إحنا بنعمله لمساعدة الناس فعليًا، لأن الناس اللي عملونا تستحق الكتير، وما تستحقش ان احنا نخدعهم أو نغشهم عن طريق المنتج أو الدعاية".

حل مشاكل حقيقية على الأرض

وأكد سعد، أن الهدف من المبادرة هو حل مشاكل حقيقية على الأرض، مضيفًا: "هنرصد 10 ملايين جنيه لأول خير يروح للناس اللي يحتاجوهم ويحلوا مشاكل حقيقية على الأرض".

وتابع: "المبادرة دي بداية، وربنا كريم ورحيم، وإن شاء الله ناس كتير ممكن تعمل كده ونحط إيدينا في إيدين بعض.. كل سنة وأنتم طيبين ورمضان كريم".

أقرأ أيضًا:

للحاق بماراثون رمضان.. عمرو سعد يسابق الزمن لإنهاء تصوير “إفراج”

"عباس الريس مش هيصعب عليه حد"، عمرو سعد يثير الجدل بقصة حقيقية في "إفراج"

"نجوم كبيرة مش أكاذيب"، عمرو سعد يعلن اعتزال الدراما بعد مسلسل إفراج