“ساب خطيبته وملمسنيش”.. أقوال رحمة المتسببة في واقعة إسلام ضحية “بدلة الرقص” (خاص)

المتهمون ولقطة من الواقعة

خلود طارق محرر

أحمد خطاب

A . .A

حصلت “تليجراف مصر”، على أقوال رحمة، المرتبطة عاطفيا بـ إسلام، صاحب واقعة “بدلة الرقص” بقرية ميت عاصم في بنها أمام جهات التحقيقات، والتي كشفت تفاصيل صادمة، حيث نفت اختطافها من قبل إسلام.

وجاءت أقوال رحمة كالآتي:

س: أين كنتم تحديدًا بعد هروبك من المنزل؟

ج: إحنا قعدنا نتمشى على البحر في إسكندرية، لحد ماروحنا فندق ورفضوا يدخلونا علشان مش معايا بطاقة فرجعنا على بنها في قطر 2.20 صباحا يوم الخميس.

س: وما الذي حدث عقب ذلك؟

ج: أول لما وصلت أنا وهو الساعة 6.30 صباحا، روحنا عند ابن اخته اسمه محمود جمال.

س: وما الذي حدث عقب وصولك لمنزل أهليتك؟

ج: محدش اتكلم معايا لأن أبويا وإخواتي وأخوالي، كانوا عند بيت إسلام، معرفش بيعملوا إيه، لأنهم كانوا فاكرين، إنه كان خاطفني، ومحدش كان في البيت، وعرفت اللي حصل بعدها.

س: هل من ثمة تعدي جنسي وقع عليكِ من المدعو إسلام؟

ج: لا.

س: وهل استطالت يد سالف الذكر ثمة أماكن من جسدك؟

ج: لا هو ملمسنيش ولا عمل حاجة دا كان بيحافظ عليه.

س: وهل قام سالف الذكر بتجريدك من ملابسك؟

ج: لا هو ما عملش حاجة معايا.

س: وهل قام سالف الذكر بالتجرد من ملابسه؟

ج: لا إحنا قعدنا من غير ما نعمل حاجة، لأننا كنا على البحر وكنا بنتمشى على البحر.

س: وهل أنتِ بكر؟

ج: أنا لسه بكر وهو ما عملش معايا حاجة.

س: وهل تحصل سالف الذكر على ثمة منقولات خاصة بكِ؟

ج: هو خد مني التلفون بس، علشان كنا عايزين فلوس، والفلوس بتاعتنا أنا وهو خلصت، وأنا اديتهوله بمزاجي.

س: وهل قام سالف الذكر بالتقدم لخطبتك؟

ج: لا كانت علاقتنا أصحاب، وكنا بنحب بعض، بس ما قلناش لبعض، وأنا كنت مخطوبة، وماكنتش متفاهمة مع خطيبي، فكلمت إسلام واعترفتله بحبي ليه، وهو قالي نفس الكلام.

س: وما هي كيفية تقابلك مع المدعو إسلام؟

ج: أنا اللي اتصلت بيه وقولت له تعالى علشان نتقابل علشان عايزة أقولك على حاجة، وروحت كافيه اسمه “ف.ي” في الأهرام، وقابلت إسلام.

س: وما هي طبيعة الحوار الذي دار بينكما آنذاك؟

ج: أنا قولت له أنا بحبك ومش متفاهمة مع خطيبي، بسبب فرق السن، وأنا عارفة إن إنت بتحبني، ومش هنعرف نعيش من غير بعض، تعالى نهرب ونبعد عن البيت، ونروح حتة ثانية.

س: هل اعترف لكِ المدعو إسلام محمد بثمة اعتراف؟

ج: أيوه هو قال لي إنه بيحبني، وقال لي إنه مش متفاهم مع خطيبته، ووافق على طلبي، إننا نروح إسكندرية.

س: ما الذي حدث عقب ذلك؟

ج: اتغدينا وروحنا محطة قطر وسافرنا إسكندرية وأول لما روحنا إسكندرية، روحنا على محطه الرمل، قعدنا على البحر وبعد كده اتمشينا شوية، وبعد كده روحنا فندق علشان نقعد فيه، بس هما مارديوش يدخلونا علشان أنا مش معايا البطاقة، والفلوس خلصت وروحت بعت التلفون بتاعي.