دينا تكشف أكثر المواقف التي تشعر فيها بالخجل

كشفت الراقصة دينا عن أكثر المواقف التي تشعر فيها بالخجل والتوتر، مشيرة إلى أن هذا الإحساس لا يزال يرافقها رغم تقدمها في العمر.

وقالت دينا، خلال ظهورها في برنامج ورا الشمس مع الإعلامية ياسمين الخطيب على قناة الشمس: "لو حد مدحني جامد، أنا بتكسف.. كنت فاكرة ده خجل عشان كنت صغيرة، لكن لسه الصفة دي مستمرة لحد دلوقتي لما يحصل كده، بتوتر أوي".

الثقة في العمل والفن

وأضافت دينا أن مجال عملها يتطلب ثقة كبيرة بالنفس، مؤكدة: "الراقصة مش بجحة، الراقصين بيخافوا يقربوا مني، أنا مش جامدة ولكن واثقة في أدواتي وتصرفاتي".

وتابعت عن تعاملها مع المواقف التي قد تسبب التوتر: "لو حد بيضايقني ببصه، مش بشتم ولا بضرب، لأن دي تصرفات الناس الضعيفة، أنا معنديش ضعف، ومينفعش أكون طبيعتي ضعيفة. في الشغل، بكون واحدة تانية خالص".

حياتها الشخصية والزواج

وفي حديثها الصريح، كشفت دينا عن تفاصيل حياتها الشخصية: "أنا بتجوز في أي وقت، مدام هحب، هتجوز.. ده مش موضوع فيه اختيارات، مش هصاحب".

وأضافت أن تجربتها في الزواج كانت متعددة، حيث تزوجت 9 مرات حتى الآن، مشيرة إلى أن الطلاق كان يحدث أحيانًا بسبب انشغالها بمسيرتها الفنية: "اتجوزت 9 لحد دلوقتي".

اقرأ أيضًا:

مسلسل "الكينج" الحلقة الخامسة، حمزة يكسب ثقة الصياد ويتجسس لصالح جلال

كواليس مسلسل الكينج.. ضحك هستيري بين محمد إمام وحجاج عبدالعظيم (فيديو)

سخرية من المندل وغلاء الأسعار.. مشاهد كوميدية في الحلقة الثالثة من "الكينج"