"قصة حب أخرت حالته".. والدة المتهم بواقعة "علم إسرائيل" تكشف تفاصيل مرضه النفسي

الشاب صاحب واقعة "علم إسرائيل"

A . .A

كشفت والدة الشاب شهاب المعروف إعلاميًا بـ"شاب علم إسرائيل"، الذي وضع علم إسرائيل على زجاج سيارته من الخلف، وقام أهالي كرداسة بالتعدي عليه بالضرب وإصابته إصابات بالغة، تفاصيل تاريخ نجلها مع المرض النفسي.

والدة المتهم بواقعة "علم إسرائيل"

وقالت والدة شهاب في تصريحات خاصة لـ"تليجراف مصر": "ابني بيتعالج بقاله 15 سنة وكمية الأدوية اللي بياخدها طيرت عقله، كمان كان خاطب قبل كده 4 مرات وفشكلوا بسبب مرضه، مقدروش يتحملوه، بس آخر واحدة دي كان بيحبها أوي أوي ولما سابته حس إنه مش زيه زي باقي الشباب من حقه يحب ويتحب وإن عنده مشاكل ودا أخر حالته أكتر وبقا يهرب من البيت مهما حبسناه”.

وفي وقت سابق، كشف شاهد عيان بواقعة سائق سيارة "علم إسرائيل" بكرداسة، تفاصيل تعدي عدد من الأهالي على الشاب الذي يقود السيارة وكواليس الواقعة.

تفاصيل واقعة سيارة علم إسرائيل بكرداسة

وقال أحد الشباب في تصريحات عبر “تليجراف مصر”، إن "قائد السيارة كان بيشرب عصير، فإحنا اتلمينا عليه كلنا، بعد ما الشباب شافت علم إسرائيل، الشباب هاجت، والناس اتجننت، وبدأت تقوله: إنت إزاي حاطط العلم؟”.

وأكمل: “وافتكروه بقى واحد منهم وهما بيكلموه، خاف منهم، وكان فيه هنا زحمة، فقرر يهرب، راح خابط بتاع خمس عربيات، الناس كلها حبت توقفه، راح جاري بالعربية، وكان فيه واحد قاعد في جنب وقتها وهو داس عليه وخبطه”.

وأضاف: “نزل بعد ما دخل بالعربية في الناس راح مكمل الجري لحد المدرسة اللي هناك، في عربية جاية راحت هي اللي موقفاه، وكنا إحنا مسكناه بقى، مسكوا فيه ودلوقتي مسكوه ونزلوه، نزلناه وضربناه”.

وقال: “الناس فتشوا العربية وطلعوا منها ورق، وضربوه، شكله مريض نفسي وأبوه جه وأكد المعلومة دي”.

مفاجأة في واقعة سيارة كرداسة والعلم الإسرائيلي (فيديو)