علاقة آثمة تحرك شهوة الانتقام، نص اعترافات المتهم بقتل أطفال قرية الراهب (انفراد)

في لحظة غدر وخسة، انطفأت ثلاثة قلوب صغيرة كانت تحلم بالغد، بعدما تحولت شهوة الانتقام إلى رغبة متوحشة مزّقت براءة الطفولة بلا رحمة، إذ لم يكن الأطفال الثلاثة أبناء قرية الراهب في المنوفية طرفًا في خلاف، ولا شهودًا على صراع، بل كانوا فقط ضحايا لقلب امتلأ غضبًا، فدفعوا حياتهم ثمنًا لخطيئة لم يرتكبوها، حيث خيّم الصمت الثقيل على بيتٍ كان بالأمس يضج بالحياة، واكتست وجوه الأهالي بالحزن، بعدما صمتت أصوات الضحكات البرئية إلى الأبد في جريمةٍ تجاوزت حدود الإنسانية.

 المتهم استغل براءة الأطفال

كشفت التحقيقات أن المتهم استغل براءة الأطفال، واستدرجهم إلى منزل مهجور، قبل أن ينفذ جريمته بدافع الانتقام من والدهم، على خلفية خلاف نشب بينهما بسبب علاقة غير أخلاقية ومحرمة بينهما.

نص اعترافات المتمهم بإنهاء حياة 3 أطفال

وتنفرد “تليجراف مصر” بنص التحقيقات الكامل في القضية، والتي تضمنت تفاصيل دقيقة حول ملابسات الواقعة، وكيف تطورت الخلافات بين الطرفين حتى انتهت بتلك الجريمة البشعة التي فجّرت موجة من الغضب والحزن بين الأهالي.

نص اعترافات المتهم أمام جهات التحقيق كما وردت:

س: ما تفصيلات اعترافك؟

ج: "اللي حصل إن أنا اتعرفت على سعيد (والد طفلين وعم الثالثة) من حوالى سنتين ركبت معاه التوكتوك علشان يوصلني فضربنا صحوبية وبقيت بخرج معاه وبروحله أقعد معاه في البيت عنده وكنت بلعب مع ولاده وبنت أخيه وكنت متعود دايما أجيبلهم شيبسي ولعب وكنت بروح معاه الغيط عندهم أساعده".

وتابع المهم: “من حوالى سنة حبيته وعرضت عليه نعمل علاقة وقالي تعالالي البيت عندي ورحتله 8 أو 9 مرات وكنا بندخل الزريبة اللي تحت البيت عنده، ونمارس العلاقة الآثمة، ومن حوالي 3 شهور فجأة لقيته بيقولي إحنا لازم نسيب بعض ونبعد عن بعض علشان أهله عمالين يتكلموا على العلاقة اللى بينا والاهتمام اللي أنا بهتمه بيه وأخوه عاطف في مرة طردني من الغيط بتاعهم وكان مستغرب اهتمامي بأخيه”.

وأضاف المتهم: “سعيد بدأ يحس إنی بقيت مصدر شبهة ليه فبعد عني.. وحاولت أخليه يرجع ويبقى معايا زي زمان لكن مرضاش فحسيت بكسرة، أنا دخلت معاه شركة في موتوسيكل قالي تعالى نشتريه قسط، وعمل حادثة بالموتسيكل وخسرنا فيه 160 ألف جنيه وأنا اتحملت باقي الأقساط لما قالي الدنيا مزنوقة معاه”. 

كيف استدرج المتهم الضحايا

وأضاف المتهم: "لما قرر يبعد عني قلت لازم أحرق قلبه زى ما حرق قلبي فكنت عاوز أموته هو لكن قلت مش هقدر عليه لأنه جسمه كبير ففكرت إني هحرق قلبة على العيال وأحرق قلب أخوه لأنه طردني من الغيط بتاعهم قبل كدة وكان سبب من الأسباب اللي خلت سعيد يبعد عني".

وتابع المتهم في أقواله: الأطفال الثلاثة بيحبوني وبيحبوا يشوفوني وكانوا دياما متعودين يعدوا عليا كل يوم الصبح قدام البيت عندي علشان يشوفوني ففكرت يوم 17-1- 2026 إني هاخدهم لبيت ستي المهجور وأقتلهم هناك لما يعدوا عليا الصبح، وجهزت لعب معايا ولما جم قدام البيت عندي تاني يوم وريتهم اللعب وقلتلهم هديكم اللعب لما تخلصوا الدرس وترجعولي علشان أضمن إنهم هيرجعوا، وأخدهم البيت المهجور أقتلهم وسيبتهم راحوا الدرس.

 لكن “استعجلت ورحت وراهم بالعجلة لقيتهم بيقولولي احنا مش عاوزين ندخل الدرس فروحت مديلهم اللعب وقلتلهم تعالوا معايا البيت الثاني وهما علشان بيحبوني جم معايا وكانوا بييجوا معايا أي مكان أقولهم عليه وأخدت جنة وعبد الله ركبتهم العجلة معايا ومكة فضلت ماشية جنب العجلة”.

 “وصلت عند البيت المهجور ودخلت بيهم وطلعت بيهم الدور الثاني ودخلت مكة الأوضة الأولى اللي على شمال السلم وأخدت عبد الله وجنة ودخلتهم الأوضة الثانية اللى على شمال السلم ورجعت لمكة في الأوضة الأولى ورحت جايب إيشارب قديم من الأرض في الأوضة ورحت لافف من ورا مكة ورحت دايس على أكتافها بإيديا الإثنين وركعتها على الأرض ولفيت الإيشارب حوالين رقبتها ورحت شادد جامد خانقها وقافل الإيشارب على رقبتها جامد ورحت ماسكه بإيدى الشمال وكتمت بوقها بإيدى اليمين لغاية لما طلعت آخر نفس فيها ورحت معلقها من الإيشارب في السابلونة بتاعة شباك الأوضة علشان اتأكد انها هتموت”.

 “ورحت الأوضة الثانية وجبت البنت التانية جنة ورحت مدخلها الأوضة الأولى اللى خنقت فيها مكة ورحت دايس على اكتافها بإيديا الإثنين وركعتها على الأرض ولفيت حتة قماش من لبس قديم حوالين رقبتها ورحت شادد جامد خانقها وقافل حتة القماش على رقبتها جامد ورحت ماسكها بإيدى الشمال وكتمت بوقها بإيدى اليمين لغاية لما طلعت آخر نفس فيها ورحت معلقها من من قطعة القماش جنب أختها في السابلونة بتاعة شباك الأوضة علشان أتأكد إنها هتموت”.

“وبعد كدة خدت قطعة قماش من لبس قديم من الأوضة و رجعت الأوضة الثانية لعبد الله وكان قاعد على كنبة قديمة أرضى فرحت جای من وراه ورحت خانقه بقطعة القماش ورحت شادد جامد خانقه وقافل حتة القماش على رقبته جامد ورحت ماسكها بإيدى الشمال وكتمت بوقه بإيدى اليمين لغاية لما طلع آخر نفس فيه ورحت معلقه من من قطعة القماش في مسمار في الحيطة علشان أتأكد إنه مات”.

"وسيبتهم ونزلت جرى علشان الناس متحس بيا ولما طلعت في الشارع قابلت سعيد وكان بيدور على العيال وسألنى عليهم وقالي عملت فيهم إيه قلتله دول ولاد أخويا ومقدرش أعمل فيهم حاجة وأنا هدور معاك وقعدت أدور معاهم لغاية لما لقيتهم بيقولي هيدخلوا البيت المهجور اللي سبت فيه العيال فحاولت أهرب لقيت الناس اتجمعت وبعد شوية الحكومة جت خدتني وخدونيعلى مركز شرطة شبين الكوم.

س: متى و أين حدث ذلك؟

ج: الكلام ده حصل يوم 18-1-2026 الساعة 9 ص في البيت المهجور بتاعي في الراهب مركز شبين الكوم.

س: من كان برفقتك آنذاك؟

ج: كنت لوحدى مع الأطفال.

س: وهل اشترك معك احد في ارتكاب الواقعة؟
ج: لا

س: ما مناسبة تواجدك بالمكان والزمان سالفي الذكر؟
ج: أنا كنت مستنى العيال ييجوا في نفس الميعاد اللي متعودين يعدوا فيه من عند البيت عندي وطلعت قابلتهم وأخدتهم البيت المهجور علشان اقتلهم.

س: وما علاقتك بوالدي المتوفين المدعو سعيد والمدعو أشرف  وهل من خلافات بينكم؟

ج: سعيد كان في علاقة صداقة بينا وأشرف أخو سعيد وحصل خلافات سابقة بيني وبينهم.

س: وما طبيعة تلك الخلافات؟

ج: في خلافات سابقة بيني وبيهم لأن من حوالى 3 شهور فجأة لقيته بيقولى إحنا لازم نسيب بعض ونبعد عن بعض.. وأخوه عاطف في مرة طردني من الغيط بتاعهم وكان مستغرب اهتمامی بأخيه فسعید حسسنی وقتها إني بقيت مصدر شبهة ليه فكسرني".