"الشمال هيفهما شمال"، أشرف زكي يعلق على إهانة رامز لـ أسماء جلال

أكد الدكتور أشرف زكي، نقيب المهن التمثيلية، أن الأزمة بين الفنانة أسماء جلال والفنان رامز جلال نتجت عن سوء فهم، مشيرًا إلى أن رامز دائمًا تعليقاته معروفة، ولم يقصد أي إساءة.

تعليق أشرف زكي على أزمة أسماء جلال مع رامز

وقال أشرف زكي، خلال لقائه مع الإعلامية أسما إبراهيم، ببرنامج “حبر سري”: “رامز بيحب أسماء جلال جدًا، واللي حصل كان هزار، لكن أحيانًا الطرف الآخر ما يتقبلش الهزار، خصوصًا مع اشتعال السوشيال ميديا، فالدنيا سخنت”.

 وأضاف: “أنا واثق إن رامز ما يقصدش إطلاقًا أن يسيء لأسماء جلال أو لأي حد، وإن شاء الله الموضوع هيتعالج ويتلم بالطريقة اللي ترضيها”.

وتابع: “أنا مشوفتش الحلقة على الهواء، وكل واحد هيفسرها بطريقته اللي يمين هيفسرها يمين، والشمال هيفسرها شمال، لكن أنا ما أعتقدش إن القصد كان إساءة، واستحالة يكون قصد إساءة”.

وأشار أشرف زكي إلى أنه تواصل مع أسماء جلال شخصيًا، لكنه لم يتواصل بعد مع رامز جلال، قائلًا: «لسه ما كلمتش رامز، لأن مش عارف بيصور ولا خلص ولا إيه"، مضيفًا: “في ناس بتقول إن اللي رايح برنامج زي كده عارف إنه بيكون في مقدمات زي كده ودي مش جديدة، وبتظهر على طول”.

ماذا قال رامز جلال في حلقة أسماء جلال؟

قدم رامز جلال، أسماء جلال بعبارات ساخرة كالتالي: معانا نجمة جريئة وعاملة حريقة، الليجن هو سر الخلطة والجسم مفيهوش غلطة، بدل ما تاخد كورسات تمثيل وتنمي قدرات فنية، راحت على التريد ميل واشتغلت على العضلة الخلفية، ارحمي الشباب اللي شايفين منك الويل، ستوريهاتك تهد الحيل، الموضوع خطير وملكيش كبير، لو محدش قادر يلمك أنا هعرفك حدودك ومش هتأثر بعودك.

اقرأ أيضًا:

بسبب "إيحاءات وإهانات".. إحالة بلاغ أسماء جلال ضد برنامج رمضاني لنيابة أكتوبر

محمد علي خير منتقدًا حلقة أسماء جلال مع رامز: لعنة الله على الفلوس اللي تذل

متعرضش عليا المقدمة.. أول تعليق من أسماء جلال عن حلقة "رامز ليفل الوحش"