فيفي عبده: "مش عايزة أدفن غير لما أهلي يتأكدوا إني مت فعلا"

أكدت الفنانة فيفي عبده، حبها الشديد للحياة وذلك لأنها لم ترها، لافته إلى أنها أوصت أبناءها بعدم دفنها فور موتها مباشرة وأن ينتظروا يوما أو اثنين حتى يتأكدوا من أنها فارقت الحياة.

وقالت فيفي عبده خلال استضافتها في برنامج"حبر سري"، مع الإعلامية أسما إبراهيم، على قناة القاهرة والناس: "في قصص كتيرة على السوشيال ميديا عن الأشخاص اللي أهلهم دفنوهم عشان افتكروا إنهم ماتوا وهما في غيبوبة بس، فكل وصيتي أنهم يتأكدوا ليس أكثر”.

فيفي عبده: أدعي الله بطول العمر مع الصحة

وأشارت إلى أنها دائما تدعي الله بطول العمر مع الصحة، قائلة: "كل يوم أدعي ربنا طول في عمري شوية عشان مشوفتش الدنيا وأنا مبسوطة وأنا قاعدة وبشوف الدنيا وعايزة طولة العمر مع الصحة".

وأضافت: "الصحة تاج على الرؤوس بعد ما مريت بتجربة مرض والمرض بيخوف وغدار، وأهم حاجة أدعي ربنا ياخدني وأنا ماشية على رجلي لكن بحب الحياة وبحبها لأني مشوفتهاش وأنا طول عمري بجري وأشتغل ومشوفتش حاجة وكنت شقيانة ومشفتش في بلدي حاجات كتير".

"محدش يحوش حاجة"

وكشفت فيفي عبده، أنها تشتري كفنها كل عام من السعودية، وعلى الرغم من ذلك لم تفكر في كتابة وصيتها على الإطلاق.

وتابعت "ولادي عندهم قناعة.. وهما رزق من عند الله.. ورأيي إن اللي يموت ميسبش ولا تعريفة ويصرف آخر مليم في جيبه.. خليها على الله.. القرش إحنا اللي بنجيبه".

الموت والقدر

ووجهت أسما إبراهيم سؤالًا لها “هل خوفك من فيروس كورونا قد يدفعك للعيش مع الأموات؟”، لتجيب فيفي عبده قائلة "في ناس عايشة مع الأموات، لو لفت الدنيا مهما لفت الموت ده شيء لا بد منه، اللي ورقته من الشجرة بتقع خلاص".