"هتعملي فيها شيخة"، شاهدة عيان تكشف تفاصيل جديدة في قضية تسريب فيديوهات رحمة محسن (خاص)

في تطور جديد بقضية تسريب فيديوهات خاصة للفنانة رحمة محسن، والمتهم فيها طليقها، كشفت إحدى شهود العيان خلال التحقيقات عن تفاصيل جديدة بشأن الواقعة، مؤكدة أن المتهم تواصل معها عبر مواقع التواصل الاجتماعي قبل انتشار الصور والمقاطع المتداولة على الإنترنت.

وحصلت “تليجراف مصر”، على نص أقوال الشاهدة، وجاءت كالتالي:

س: ما سبب حضورك اليوم؟

ج: أنا جايه علشان أشهد بالحق.

س: ما هي علاقتك بكل من الشاكية رحمة محسن والمشكو في حقه؟

ج: أنا معرفهمش قبل كده.

س: وما هي تفاصيل شهادتك بخصوص الواقعة محل التحقيق؟

ج: من حوالي شهرين ونص، حد بعتلي على الإنستجرام وقالي هاي ممكن نتعرف وكده وأنا اتكلمت معاه وبعد كده طلب مني نتكلم واتساب أفضل فبعتله رقمي وبعتلي على الواتساب، وقعد يعرفني بنفسه، وقالي إنه هو ضابط وطليق رحمة محسن وقعد يقولي انتي بتخرجي وبتسهري وكده قولتله آه مش على طول، وبعد كده علشان يثبتلي إنه طليق رحمة راح باعتلي صورة ليه هو ورحمة اللي بتتشاف مره واحدة وتتمسح لوحدها وهما الاثنين مش لابسين هدوم وإنه هو الشخص اللي مع رحمة في الصورة.

 وأنا اتأكدت لما شفت  الصورة اللي علي الواتساب هي هي الصورة بتاعة الشخص اللي في الصورة مع رحمة، وبعد كده أنا رديت عليه وقولتله إن ده ذكاء اصطناعي فراح قاللي مش ذكاء اصطناعي وبعتلي صورة ثاني من "اللي بتتشاف مرة واحدة وتتمسح لرحمة وهي لابسه قميص نوم  شفاف وهو واقف وراها قدام مراية وأنا روحت قولتله ممكن يكون شخص حاطط صورة وخلاص وبيكلمني.

ازاي بتبعت الصور دي حتي لو كانت طليقتك أو مراتك

وأضافت: فبدأت بعدها أهاجمه وأقوله إنت إزاي بتبعت الصور دي حتي لو كانت طليقتك أو مراتك فإنت مش راجل، فقاللي اسكتي وانتي متعرفيش حاجة دي متستاهلش.

فأنا قلتله أيا كان اللي هي عملته معاك مينفعش تعمل معاها كده، بس دي ولية زي زيها وقلتله إنت مريض، فرد عليا وقاللي انتي هتعملي فيها شيخة وفضلنا نشتم في بعض، وراح قاللي اعتبري إني مكلمتكيش أصلا والكلام ده كان من حوالي شهرين قبل ما في أي حاجه تنزل لرحمة على النت.

 وأول لما موضوع رحمة ظهر والفيديو والصور نزلوا على النت بدأت أسمع الكلام اللي بيتقال، وبعد ما الموضوع انتشر دخلت كلمته وقولتله إنت ليه عملت كده وهو قاللي انتي مين أصلا وقولتله إنك كلمتني من كم أسبوع وبعتلي صور رحمة، وقلت له لو فاكر إنك هتعمل من بنها ومش عارفني أنا معايا موبايل ثاني وكنت بصور كل حاجة من الموبايل الثاني - أنا كنت بقوله كدا وخلاص بس أنا صعبت عليا رحمة علشان كده قولتله الكلام ده وكنت داخله أهزأه ودعيت عليه فرد عليا وقالي تمام اسكتي متحسبنيش في انتي متعرفيش حاجة".

س: هل من سابقة تواصل فيما بينك وبين المشكو في حقه؟
ج: لا مفيش غير اللي أنا قلت لحضرتك عليه.

س: وعلى أي موقع من مواقع التواصل الاجتماعي كان يتم ذلك التواصل؟
ج هو أول ما دخل كلمني من الإنستجرام بتاعه وكان اسمه Ahmed farrag وبعد كده طلب مني الواتساب بتاعي واديتهوله وكلمني من الرقم بتاعه.

ننشر أمر إحالة طليق رحمة محسن المتهم بتسريب مقاطع خاصة لها

وفي وقت سابق، حصلت "تليجراف مصر"، على أمر الإحالة في القضية، والذي تضمن اتهام المدعو أحمد فكري – محبوس – بأنه في 24 أكتوبر 2025، وبتاريخ لاحق بدائرة قسم التجمع الخامس، اعتدى على حرمة الحياة الخاصة للمجني عليها، بعدما التقط وسجل بهاتفه المحمول صورًا ومقاطع مصورة لها داخل مكان خاص دون رضاها، وذلك على النحو المبين بالتحقيقات.

نشر مقاطع مصورة

كما أسندت إليه التحقيقات، إذاعة ونشر تلك الصور والمقاطع المرئية عبر الشبكة المعلوماتية ومواقع التواصل الاجتماعي دون موافقة المجني عليها، وإرسالها إلى عدد من الأشخاص، من بينهم صابرين محمد إسماعيل عبدالمجيد، ومريم حميدو حسن.

إزعاجها ومضايقتها

ووفق أمر الإحالة، وجهت للمتهم كذلك تهم نشر صور ومقاطع تنتهك خصوصية المجني عليها عبر مواقع التواصل الاجتماعي دون رضاها، والاعتداء على القيم والمبادئ الأسرية في المجتمع المصري، إلى جانب تعمد إزعاجها ومضايقتها بإساءة استخدام وسائل الاتصالات.

تهديد بنشر المقاطع

كما تضمنت الاتهامات، شروع المتهم في الحصول على أموال من المجني عليها عن طريق التهديد بنشر تلك المقاطع، فضلًا عن استخدام حسابات عبر مواقع التواصل الاجتماعي "فيسبوك" و"واتساب" المرتبطة برقم هاتفه في ارتكاب الوقائع محل الاتهام.

وقررت جهات التحقيق، إحالة أوراق القضية إلى الدائرة الابتدائية المختصة بمحكمة القاهرة الاقتصادية، وحددت جلسة 26 مارس 2026 لنظر أولى جلسات المحاكمة، مع إعلان المتهم بمحبسه بموعد الجلسة.

اقرأ أيضًا:

طليق رحمة محسن في التحقيقات: "كانت على علاقة بشاب وماسك عليها فيديوهات" (خاص)

ننشر أمر إحالة طليق رحمة محسن المتهم بتسريب مقاطع خاصة لها (خاص)