سيدة تستغيث من اعتداء وحشي عليها بحلوان.. والأمن يفحص

انتشر مقطع فيديو عبر عدد من الصفحات بمواقع التواصل الاجتماعي، يظهر خلاله قيام مجموعة من الأشخاص بالتعدي على سيدة بالضرب باستخدام العصي الخشبية “الشوم” في منطقة حدائق حلوان بالقاهرة.

التعدي على سيدة بالضرب في حدائق حلوان 

وقالت ناشرة الفيديو: “أنا أم محمد قاعدة في تقسيم المعلمين في حدايق حلوان، والشباب اللي ضربوني دول شريف وبلال وأحمد ومؤمن وأصحابهم، وجوز أختهم اللي ماسك الشومة وبيضربني من الناحية التانية ده”.

اعتداء وحشي بسبب الدفاع عن سيدة 

وأضافت الضحية: “كل دول كانوا بيضربوا فيا عشان دافعت الشهر اللي فات عن واحدة كانوا بيضربوها في الشارع، كل الضرب اللي أنا خدته ده وكان كل تفكيري في عيالي اللي كانوا جوة المحل، كنت عايزة أقفل عليهم المحل عشان محدش يأذيهم، واحد منهم خبطني بالشومة على دماغي وأنا بقفل المحل على عيالي".

عايزة حقي بالقانون

وأكملت السيدة: “بهدلوني أنا وعيالي، كل ده كان بيضرب فيا أنا وعيالي، وأنا بنزل الفيديو علشان مش عايزة حاجة تحصل، مش عايزة جريمة قتل تحصل، مش عايزة أكون مجرمة، أنا عايزة القانون يجيبلي حقي”.

الأمن يفحص الفيديو 

ورصدت وحدة المتابعة والرصد بوزارة الداخلية مقطع الفيديو، وبدأت في إجراء تحريات مكثفة حول الواقعة لكشف ملابساتها والوقوف على اسبابها، وضبط القائمين على ارتكابها لاتخاذ الإجراءات القانونية اللازمة حيالهم.

اقرأ أيضًا: 

حمولة زائدة.. ضبط المتهم بالتعدي على سيدة بالسب في سوهاج

الداخلية تكشف تفاصيل ضبط المتهم بطعن طليقته بسلاح أبيض

"خلافات جيران".. الأمن يكشف كواليس فيديو التعدي على سيدتين بالشرقية