الحبس سنة مع الشغل للمتهمين بالاعتداء على "طالب كعابيش"

قضت محكمة جنح الهرم، الثلاثاء بحبس المتهمين في واقعة الاعتداء على طالب أثناء دفاعه عن زميله في مشاجرة بمنطقة كعابيش، لمدة سنة لكل منهما مع الشغل والنفاذ.

 حبس المتهمين في واقعة الاعتداء على “طالب كعابيش”

وتضمن الحكم معاقبة كل من "حسن.أ"، وعمه "حسن .ع"، بالحبس سنة مع الشغل، على خلفية اتهامهما بالتعدي على الطالب وإصابته بجروح خطيرة متفرقة بالجسد.

وفي لقاء سابق روت والدة الطالب إبراهيم عبر بث مباشر لـ"تليجراف مصر" تفاصيل ما جرى، قائلة: “ربّينا أولادنا على الأدب والأخلاق، ومتعلمناش العنف، يوم الحادث كان عنده درس رياضة، وكان المفروض يرجع بدري، لكنه دخل البيت الساعة 8 بيصرخ وبيقولي: الحقيني يا ماما، ومكنتش عارفة أعمل غير إني أجري بيه على المستشفى".

تفاصيل الواقعة

وأضافت: "عرفت بعد كده إن في شاب كبير كان بيرش مية على الطلبة اللي واقفين قدام مكان الدرس، ولما طفل صغير اعترض وقاله: عيب اللي بتعمله، الشاب وزوجته مسكوه وبدأوا يضربوه، الطفل استغاث بإبراهيم، فابني جري علشان ينقذه وقالهم: كفاية يا عمو حرام عليكم، لكنهم اعتدوا عليه هو كمان وضربوه بشكل وحشي، وأحدهم طعنه بكاتر في رجله وظهره ورأسه، لحد ما فقد الوعي". 

والدة الطفل: "ابني بطل ومش هسيب حقه"

وتابعت الأم: "الناس لما سمعت صراخ الأولاد تدخلوا ووقفوا الضرب، وابني رجعلي غرقان في دمه، وأنا شايفاه بطل لأنه كان بيدافع عن صاحبه، ومش هسيب حقه، وإحنا قدمنا بلاغ رسمي ومستمرين في اتخاذ كل الإجراءات القانونية".

اقرأ أيضًا..

كلمة السر خلافات جيرة.. القبض على المتهمين بالتعدي على شاب في الدقهلية

ضبط متهم بالتعدي على شاب داخل مدينة الإنتاج الإعلامي عقب مشاجرة بأكتوبر