نرمين الفقي: "أنا مش خرابة بيوت.. وعايزة راجل بمعنى الكلمة"

نيرمين الفقي

خاطر عبادة

A . .A

كشفت الفنانة نرمين الفقي، بعض التفاصيل بشأن حياتها الاجتماعية، وذلك خلال استضافتها في برنامج “كلمة أخيرة” مع الإعلامي أحمد سالم على قناة “ON”.

وقالت نرمين الفقي: “عدم الزواج حتى الأن هو قسمة ونصيب وفي حاجات كتير في الحياة ممكن الواحد يقع فيها.. ممكن يجيلي راجل مرتبط أو متجوز وبرفض تمامًا لأني مش خرابة بيوت حتى لو كان البيت ده نفسه فيه مشاكل لكن أنا عقلي الباطن هيخليني أحس أن فيه ست ممكن تتوجع أو تتألم بسببي، وممكن راجل يتقدم لي وهو منفصل وأنا معرفش إنه منفصل، فممكن أبعد عنه وأنا معرفش إنه منفصل".

مواصفات الشريك الحلم

وكشفت نرمين الفقي عن مواصفات الشخص الذي ترغب في الزواج منه، قائلة: “أنا محتاجة راجل بمعنى الكلمة بمعنى إني أخلع رداء الرجولة اللى أنا بحاول أظهره قدام الناس، ولا أكون سوى امرأة، مش هينفع أعتمد على راجل غير حقيقي، لأن الشخص لما يقعد فترة كبيرة من غير جواز بيكون معتمد على نفسه فى حاجات كتير".

وتابعت قائلة: “لكن مش معنى كده إنى عاوزة راجل ما حصلش مفيش حاجة اسمها كده، ولأني مش ست ماحصلتش، لكن راجل بمعنى الكلمة يتحمل المسؤولية فالموضوع مش سهل”.

وردًا على سؤال الإعلامي أحمد سالم، بشأن ما إذا تعرضت لخيانات من قبل، قالت: “أكيد مش شرط الخيانة تكون من راجل، ممكن من ست، وبتقابل خيانات كتير بداية من الناس اللي بتشتغل معاك، وأنا في المواقف دي بنسحب تمامًا".

وشددت الفنانة نرمين الفقي، على أنها لا تقبل أن تكون زوجة ثانية على الإطلاق، وقالت: “لو متجوزة أرفض أن زوجي يتجوز عليا، لأني في حياتي لما كنت برفض أي عريس متجوز، كنت بقول إني مش هخرب بيت واحدة ومش هحط نفسى في الموقف ده فالبالتى مش هقبل ده على نفسي".