ريهام سعيد تنفي اعتزالها: "مفيش حقارة أكتر من كده!

ردّت الإعلامية ريهام سعيد، على تقارير صحفية تحدثت في الساعات الماضية عن اعتزالها الفن والإعلام بشكل نهائي. 
ونشرت ريهام، عبر حسابها الشخصي بتطبيق "إنستجرام"، صورة لأحد التقارير المنتشرة عن اعتزالها، وجاء تعليقها حاسما وحادا.
وقالت: "يعني في حقارة أكتر من كده، طب أقسم بالله أرفع قضية ومش هتنازل عن حقي يا كذابين يا آفاقين، أنا برنامجي شغال غصب عنكوا".

اختفاء

كانت ريهام سعيد أعلنت أمس السبت أنها ستختفي لبعض الوقت بسبب غضبها من بعض الأمور، وأنها تحتاج لبعض الوقت قبل العودة مجددًأ.
وأضافت "سأختفي لمدة طويلة حتى تعود لي روحي ونفسي وطموحاتي، أشباه البشر كتير أوي، وأنا زهقت من لعب دور الضحية، بس أنا فعلًا بيتضحك عليّا سهل أوي، ومش عارفة أتعامل مع حد، كله يالا نفسي، وأنا محدش شاف منّي غير كل خير".
وتابعت: “الفترة اللي فاتت مريت بحاجات كتيرة أوي وتعرضت للتشويه، مش بس الشكل، السمعة كمان قبل تشويه الشكل، 8 سنين من تشويهي عشان أقع، حرب غريبة عشان مشتغلش في الإعلام وفي التمثيل.. من مين؟.. معرفش”.