شوبير: الأهلي لن يلعب على استاد بورسعيد الجديد

استاد بورسعيد الجديد

إسلام عبدالتواب

A . .A

تحدث الإعلامي أحمد شوبير عن افتتاح استاد بورسعيد بعد أعمال التجديد، معلقًا على الجدل الدائر حول إمكانية استضافة مباريات الأهلي والمصري.

وقال شوبير في تصريحات إذاعية: "هتعمل إيه في مباراة الأهلي والمصري من الناحية النفسية؟ المباراة أصلًا مش هتتلعب في بورسعيد لفترة مش قصيرة، وهيبقوا يروحوا يلعبوا في القاهرة ولا إسكندرية ولا السويس؟ أنا من بدري بقول إني مش بنصح إن المباراة تتلعب في بورسعيد على الإطلاق".

مباراة الأهلي والمصري ستقام على ملعب محايد

وتابع: "من الأول لازم نقول إن مباراة الأهلي والمصري تتلعب على ملعب محايد، ولو الزمالك اعترض، شوف هتتعامل معاه إزاي؟".

وواصل: "الأهلي ما بقاش بيلعب في القاهرة من 2012، يعني بقالنا حوالي 14 سنة، وفي نفس الوقت المصري لازم يلعب في القاهرة والفرق تروح تلعب في بورسعيد، لأنه غير منطقي إني أعمل استاد وأكلفه كل ده وبعدين ما يتلعبش عليه".

شوبير: أوسكار سبب تصعيد الأزمة بين الأهلي واتحاد الكرة

وقال شوبير في تصريحات إذاعية: "مفيش أي مشكلة في وجود سيد عبدالحفيظ ضمن الوفد اللي راح يسمع التسجيلات، الراجل عضو مجلس إدارة ومشرف على الكرة، يعني مش جاي من الشارع، وكمان مفيش لوائح بتحدد مين يروح ومين لأ".

وأضاف: "الدوشة اللي حصلت مالهاش لازمة، والأزمة كبرت بعد تصريحات أوسكار رويز، خاصة لما قال إنه محدش كلفه بحكام أجانب لمباراة الأهلي والزمالك، وبعدين رجع قال إنه فهم غلط".

وتابع: “ده حق طبيعي للأهلي، لكن أنا شايف إن اتحاد الكرة سجل في مرماه هدف بسبب التصريحات اللي ماكنتش موفقة”.

الأهلي أحمد شوبير استاد بورسعيد

رابط مختصر