خالد يوسف: الفن أبو الحلال

رفض المخرج خالد يوسف، فكرة استخدام مصطلح السينما النظيفة تمامًا التي تخلو من المشاهد الحميمية، متطرقا إلى ما وصفه بـ"حرمانية مهنة الفن"، معقبا بأنه "أبو الحلال، مش حلال بس”.

وقال خالد يوسف، في برنامج “حبر سري” من تقديم الإعلامية أسما إبراهيم: “أي حد هيحطلي شروط من حيث المادة هرفضها، ولكن فكرة إن الممثل يجي يقولي إنه نفسيًا مش هيقدر يعمل مشاهد اللي فيها حميمية، هقوله للأسف مش هتعمل الفيلم، لو هو بيرفض ده مش هعتبره شرط، وده فهم قاصر للفن”.

طول عمري ضد السينما النظيفة

وتابع: “طول عمري ضد السينما النظيفة وخضت حرب علشانها من بداياتي، وكانت الدنيا تضج بكلمة السينما النظيفة، وكان أي حد يعمل لمسة في فيلم الدنيا تقوم عليه، والفن في النهاية حالة بيعبر عن الحياة بكل مفرداتها، والتفاصيل الصغيرة اللي بتخلي المشاهد ينسى إنه بيشوف فيلم، وبعد التفاصيل لو متعملش هيفصل المتفرج من العمل، الفنان المحجبة تفصلي المشاهد، علشان أنا عارف إن الفنانة ديه ومش هتقلع الحجاب”.

الفن أبو الحلال

اختتم: “لازم المثل ينسي المشاهد إنه بيتفرج على فيلم، لما حد بيعيط أو يزعل من أي حاجة، بيخلي المشاهد ينسى إن هو في المسلسل، ولازم كل حاجه تبقى متقنة".