شيرين عبدالوهاب: إيدي تلجت لما دخلت الاستوديو وغنيت وأنا مغمضة

شيرين عبد الوهاب

فاطمة سليمان

A . .A

كشفت الفنانة شيرين عبد الوهاب كواليس وتفاصيل أزمتها الصحية التي تعرضت لها قبل أشهر، كما تحدثت مشاعرها وقت تسجيل أغنية "الحضن شوك" بعد غيابها الطويل عن الغناء.

ماذا قالت شيرين عبد الوهاب مع عمرو أديب؟

وقالت شيرين عبد الوهاب، في مداخلة هاتفية عبر برنامج "الحكاية" مع الإعلامي عمرو أديب: "أنا كنت بغرق وناديت على القارب اللي هيخدني عشان أقوله لسه ما موتش ولسه عايزة أرجع وأعيش وأغني، ده اللي أنا جاية منه".

وتابعت: "لما لاقيت الدنيا كلها بتقولي مش دلوقتي، أنا عنيدة قولتلهم دلوقتي مافيش حاجة تعيبني كشكل، يمكن وزني زاد شوية، طالعة أغني للناس بروحي ومشاعري وبقلبي وعايزاهم بس يسمعوني، محتاجة أتدفى بالناس".

كواليس تسجيل أغنية الحضن شوك

وعن كواليس تسجيل أغنية "الحضن شوك" التي طرحتها مساء أمس، فقالت: "الغناء بالنسبالي مش شغل ولا فلوس، الغناء حياة وأنتو كنتم واحشني أوي".

وأضافت: "أول ما دخلت الاستوديو أغني إيدي كانت متلجة أوي، واقفة قدام المايك بغني ودني صفرت مش سامعة حاجة، لقيت نفسي بغمض عيني خالص، غنيت الأغنية وأنا مغمضة، واللي جاي قد الغياب، هيبقى في حضور
إن شاء الله، وحشني أغني أوي، ورجعت بسبب دعوات الناس".

فنانين دعموا شيرين عبد الوهاب في أزمتها

ووجهت شيرين بعض الكلمات المؤثرة لكل أصدقائها من الوسط الفني الذين حرصوا على مساندتها في أزمتها الأخيرة، وقالت: "عزيز الشافعي عامل زي الدادة بيجي يخدني من البيت ويرجعني البيت دايما بقوله أنت عزيز عيني، كنت عايزة أقول للناس أنا دلوقتي عاملة إزاي، بس الحمد الله أنا دلوقتي ميتخافش عليا".

واستكملت: "إنتوا دمي وإنتوا روحي وكل حاجة حلوة دعواتكوا بتوقفني على رجلي تاني، انهاردة هنام وأنا مش خايفة ولا قلقانة مدفية بحب الناس، انهاردة بالذات محتاجة أنهم يسمعوني، أنا كنت في منتجع واتعالجت وكأني كنت بتولد من جديد".

واختتمت: "عايزة أشكر ناس ليهم أفضال عليا، إخواتي اللي أمي ما جبتهمش، محمود الليثي كان فاتحلي بيته، بعت جاب لي عفش عشان يفرشلي شقة عشان أقعد وسط أسرته، وأحمد سعد صاحب عمري بقالنا أكتر من 30 سنة نعرف بعض، وهيفاء وهبي أم قلب طيب كلمتني وقالتي أنا هاجي أخدك وزعقتلي، وزينة ما سبتنيش خالص، كانت قايمة بأكبر".

رسالة دعم من آمال ماهر لـ شيرين عبد الوهاب بعد عودتها بـ "الحضن شوك"

"قلبي كان حاسس بيكي".. هالة سرحان توجه رسالة دعم لشيرين عبدالوهاب