أرملة حلمي بكر: عصابة اختطفته و"زعيمها" ضرب علينا نار

نفت سماح القرشي، أرملة الراحل الموسيقار حلمي بكر، اتهامات اختطافه إلى مكان مجهول وتعذيبه ومنعه من التواصل مع الآخرين، قبل دخوله المستشفى بعد تدهور حالته الصحية.

انفصلنا بسبب الإعلام 

وكشفت سماح القرشي، خلال برنامج “القاهرة اليوم” من تقديم نانسي مجدي، ويعرض على شبكة تليفزيون "ألفا"، أنها عادت للراحل بعد انفصالهما لسنوات، موضحة، "الأستاذ حلمي راجع نفسه بعد الانفصال في 2016، ومكانتش ريهام (ابنتهما) جات الدنيا، وبسبب أشخاص في 2019 زادت الخلافات بينا، والسوشيال ميديا كبرت الموضوع، ومكانش يصح أرد على والد ريهام حلمي، أو على القيمة العظيمة الموسيقار حلمي بكر، الشوشرة الإعلامية هي السبب".

كان بيضرب علينا نار

وبشأن ادعاءات استعانتها ببلطجية للاعتداء عليه سابقا، قالت إنها "لم تجلب أي بلطجية للهجوم على الراحل، ومن نشر الخبر هو الفاعل الحقيقي، ولديها الأدلة على ذلك، والشخص ده معانا له صور وفيديوهات، وكمان كان متزعم أفراد عاملين مشاكل حاليا، وهو كان بيجيب بلطجية وكان بيضرب بمسدسه نار في مدخل البيت، والشخص ده زعيم عصابة".

أضافت، "دايما العصابة كانوا عايزين حلمي لوحده علشان يبقوا مستفيدين من برامجه وفلوسه والتريندات جنبه، ومجرد ما كان الراحل بيتعب كانوا بيسيبوه ويمشوا، وحلمي بكر كإنسان وروح وحياة اجتماعية أثناء فترة مرضه مكانش بيلاقي حد معاه".

وجودي في حياة حلمي بكر مهددهم

تابعت، "كانوا بيخافوا علشان حلمي كان بيحكيلي كل حاجة عنهم، وكان زعيم الصعابة بيقول له بلاش تحكي هي مالها ومال الكلام ده، والداتا بتاع كل حد منهم على الساحة أو الشخص المستخبي في بيته، موجودة ومتخزنة في ذاكرتي حاليا، ودا طول الوقت مخوفهم، وأنا مش برد غير على الجزء اللي يخصني، وأنا برد بالقطارة، وهما استهدفوني علشان حلمي بكر قال لهم دي المرأة الحديدية".