بيتر ميمي عن مؤلف موسيقى "الحشاشين": محظوظين بيك

عبر المخرج بيتر ميمي، عن سعادتة البالغة بتفاعل المجمهور مع الموسيقى التصويرية لمسلسل “الحشاشين”، والذي يعرض حاليًا ضمن السباق الرمضاني 2024، حيث قام بتوجه الشكر للمؤلف أمين بوحافة.

ونشر ميمي “استوري” عبر حسابه الرسمي على موقع الفيديوهات والصور العالمي “إنستجرام”، قائلا: “أحب أشكر أمين بوحافة، على الإخلاص في صناعة موسيقى الحشاشين، دمت موهوبا ورائعا، احنا محظوظين بيك في مصر وتونس والوطن العربي”.

أزمة اللغة في ملسلس الحشاشين

الكثير من المتابعين انتقدوا استخدام العامية المصرية خلال أحداث "الحشاشين"، وهو ما حرص بيتر ميمي أن يرد عليه في حديثه عن المسلسل. قائلا: "الحشاشين مسلسل تاريخي بالعامية المصرية، الأحداث بين أتراك وفرس، لما عملوا التاريخ اتكلموا تركي، ولما عملوه الأمريكان بيتكلموا انجليزى، إحنا عاملينه فى مصر والترجمة موجودة فى كل بلد، المسلسل بيتعرض فى روسيا وأمريكا وأكتر من بلد، كل بلد بلغتها، هم الڤيكنجز كانوا بيتكلموا انجليزى؟ ولا ويليام والاس كان بيتكلم اللكنة الامريكية.

لماذا الصباح؟

من بين الانتقادات المُوجهة لمسلسل "الحشاشين"، اختيار حسن الصباح لتنفيذ عمل بهذا الإنتاج الضخم، بيتر ميمي رد قائًلا: "ليه حسن الصباح؟ حسن الصباح شخصية فذة وغريبة ومستفزة، مش لازم يكون رمز للخير علشان يتعمل له مسلسل، هتلر وراسبوتين كانوا فى منتهى الشر لكنهم شخصيات فذة غيرت العالم، أو على مستوانا المصرى خط الصعيد أو سفاح الإسكندرية.

ملاحظات بيتر ميمي عن مسلسل الحشاشين

واختتم بيتر ميمي دفاعه عن المسلسل بملاحظات سريعة جاء فيها:
- أم الخليفة رصد كانت نوبية الاصل.
- إسكندرية مدينة فى مصر، لأن فيه مدن كتير باسم إسكندرية حوالين العالم، لزم التوضيح للترجمة لأن فيه غير مصريين بيتفرجوا على المسلسل.
- مجاعة القاهرة الفاطمية مثبوتة تاريخيا لكن تعددت أشكالها حسب المصادر، وهى على فكرة، كانت قبل وصول حسن بفترة مش بعيدة بس ديه دراما (من وحي التاريخ).
- ماتسمى بمعجزات حسن الصباح مقصود تتصور بالشكل ده، وده هيبان تباعا، وخصوصا مشهد الراوي حلقة 8.
- عم ملك شاه اتقتل بوتر القوس لأن ده كان عرف و تقليد.
-مين الست اللى بتظهر لحسن الصباح؟ ده فى حلقة ٣٠ بقى لو ربنا إدانا عمر.
ووجه رسالة للجمهور: “كل سنة وإنتم طيبين، وسعيد إن المسلسل خلاكم تقروا وتسألوا، وشوية شوية هتفهموا المسلسل، صحصحوا معانا كده يا شباب خلونا نعمل شكل جديد، وتبقى بداية ومع الوقت يتعمل أفضل وأكبر وأحسن من اللى احنا عاملينه، و مع الوقت ننافس”.