محمود حجازي يكشف تفاصيل أزمته مع طليقته واتهامه بالتعدي على أجنبية

تحدث الفنان محمود حجازي عن تفاصيل أزمته مع طليقته الأمريكية المصرية، رنا طارق، كما كشف كواليس اتهامه بالتعدي على فتاة أجنبية في غرفتها بفندق شهير بالقاهرة.

أزمة محمود حجازي مع طليقته

وقال محمود حجازي أثناء استضافته في برنامج "كلام الناس" مع الإعلامية ياسمين عز: "طليقتي بتحبني حب مرضي وبتحاول تدمر كل علاقاتي لغاية دلوقتي، هي عايزة تدمر علاقتي بأي حد، هي بتحبني حب تملك خطير وطول الوقت عايزة تكلمني فيديو وتشوف أصحابي، وحصلت تهديدات كتير من وقتها إنها هتاخد اللي ورايا واللي قدامي، وقالت علشان تأمن مستقبلنا كتبتلها نص البيت، ورفضت تيجي مصر وقالت عايزة النص التاني للبيت، وعرفت إني بتعامل مع ناس مش سهلة".

وتابع: "أنا من ساعة ما اتجوزت في أمريكا والجواز لحد دلوقتي متوثقش في مصر ولا في أمريكا، وكان جواز إسلامي على يد شيخ في أمريكا، وأهلها مكانوش موافقين إننا نوثق الجواز ومكنتش فاهم ليه، ورجعت مصر لأني كنت متعاقد على مسلسلات، وقعدت معايا في مصر شهرين وعرفنا إنها حامل وطلبت تروح أمريكا لوالدتها، وكنت حابب أريحها ولكن في الآخر إحنا بنعمل الصح وسمحت لها تسافر، وروحت قعدت 5 شهور ونص في أمريكا وكنت برفض الشغل وحسبتها إن مش كل يوم هيجيلي ابن ولكن ممكن يجيلي مسلسل، وحضرت ولادة ابني وقعدت وعملت له شهادة ميلاد وباسبور".

وأضاف: "حماتي شخصيتها صعبة أوي ومتحكمة، وبنتها مش عارفة تختار حياتها، وحماتي هتطلع على المعاش ومعندهاش حاجة بتعملها في حياتها غير أنها بتأذيني دلوقتي، اعترضت وقولت أنا ليا كيان وهعمل إيه في أمريكا ومحبتش الحياة هناك، ونزلت مصر لاقيتها سايبة ابني اللي عنده 4 شهور وجاية تحضر معايا الريد كاربت، وسايباه لوالدتها وهنا حصلي صدمة وبدأت الخلافات، وحاولت تسوء سمعتي".

حقيقة تعدي محمود حجازي على فتاة أجنبية

أما عن اتهامه بالتعدي على فتاة أجنبية داخل غرفتها، فقال: "البنت دي كانت من الفانز بتوعي وأنا شوفتها مرة واحدة بس وأنا اتعاملت معاها بكل احترام".

وتابع: "هي راحت الأوتيل بتاعها وكلمتني علشان أجي أشرب معاها شاي وفعلا روحت ولما حسيت إنها عايزة تاخد الموضوع في سكة مش لذيذة مشيت، بعدها اتفاجئت بمحضر التعدي".

اقرأ أيضًا:

حفظ التحقيقات في اتهام الفنان محمود حجازي باغتصاب فتاة أجنبية

بعد ظهور سيدة أخرى بملابسها الخاصة، محضر جديد من زوجة الفنان محمود حجازي