في عيد ميلاده الـ86.. نجوم الفن والإعلام يهنئون الزعيم عبر كاميرا "تليجراف مصر"

حرص العديد من نجوم الفن والإعلام على تهنئة الزعيم عادل إمام، بعيد ميلاده الـ86، عبر كاميرا “تليجراف مصر”، متمنين له دوام الصحة والعافية.

وأثناء تغطية فعاليات الموسم الأول من حفل توزيع جوائز trend Awards التابع لمهرجان الفضائيات العربية، التقت “تليجراف مصر” بعدد من النجوم الذين عبروا عن أمنياتهم الطيبة للزعيم في عيد ميلاده. 

منى العمدة توجه رسالة للزعيم 

ووجهت الإعلامية منى العمدة رسالة للزعيم حيث قالت:" كل سنة وحضرتك طيب يا زعيم، مش هييجي زيك تاني،كان حالة استثنائية، مش في مصر بس، في الدنيا كلها".

وتمنت له دوام الصحة بقولها “ربنا يديك الصحة، وإحنا دايمًا بنستمتع بأعمالك، وفي كل فيلم ومسلسل كان فيه رسالة،  حتى الأفلام والمسلسلات اللي الناس كانت بتتفرج عليها زمان من غير ما تاخد بالها، بدأت تفهم رسائلها دلوقتي، حضرتك كنت بتناقش قضايا ومواضيع مش أي حد يقدر يتناولها، وكان عندك جرأة كبيرة”
و اختتمت رسالتها: “كل كلامك كان مظبوط جدًا في كل الأفلام والمسرحيات.. كل سنة وأنت طيب يا زعيم”. 

رسالة وفاء عامر 

كما حرصت الفنانة وفاء عامر على توجيه رسالة للنجم عادل إمام قائلة: “ كل سنة وهو منورنا، كل سنة وهو طيب، الممثل الوحيد المتربع على القمة، وما شاء الله عدى الـ25 سنة نجاح ولسه مكمل”.

خالد الصاوي 

أما النجم خالد الصاوي فكشف عن موقف حدث بينهما بعد الانتهاء من تصوير فيلم:" عمارة يعقوبيان" قائلًا ": الزعيم حالة مش هتتكرر، ومحدش هيقدر يوصل للمكانة دي، هو فلتة واستثناء، وكلنا بنتعلم منه ومن مشواره، وأنا على المستوى الشخصي سعيد وممتن ليه لأنه وقف معايا كأب في فيلم، بعد ما عملت "عمارة يعقوبيان" بقيت أسأله اختار شغلي على أي أساس، أشتغل ولا أتعزز شوية؟فبصلي ببساطة وقال: “اللي يديك أجرك ويعجبك شغله اشتغل معاه، ومتعملش أوهام”،  كل سنة وهو طيب" 

حمادة هلال

وتمنى النجم حمادة هلال له أمنية بمناسبة عيد ميلاده قائلًا :"ربنا يحفظه ويطول في عمره ويحفظ له أحفاده وأولاده، لأن الزعيم ده في قلوبنا، ربنا يبارك فيه يا رب، كل سنة وأنت طيب يا زعيم"

باسم سمرة 

 أما النجم باسم سمرة والذي كشف عن فارق الأيام بينه تاريخ ميلاده و بين تاريخ ميلاد الزعيم قائًلا :"كل سنة وأنت طيب يا زعيم، وأنا بيني وبينه أسبوع في عيد الميلاد، فكنت دايمًا حاسس إني قريب منه،  بقولك كل سنة وأنت طيب وطول العمر ليك يا زعيم"

عصام السقا

وجاءت رسالة النجم عصام السقا": كل سنة وحضرتك طيب يا زعيم، وعيد ميلاد سعيد عليك، ربنا يخليك لينا، ودمت تاريخًا مشرفًا وأيقونة فنية في الوطن العربي".

ماذا قالت نوليا مصطفي عن الزعيم ؟ 

وهنأت الفنانة نوليا مصطفى أيضًا  قائلة :"كل سنة وزعيمنا الملك الجميل النجم  طيب وبصحة وسلامة، وربنا يديله الصحة والعافية ويفضل منور حياتنا دايمًا يا رب" 

ندى بهجت

كما أعربت الفنانة ندى بهجت عن حزنها بسبب عدم مشاركتها في أعمال تجمعها بالزعيم قائلة: “كل سنة وهو طيب، وأنا كنت أتمنى أشتغل معاه جدًا، بس للأسف ما حصلش نصيب، ويا رب يفضل موجود في الساحة بصحة وسلامة يارب”

محمود حمدان

 أما المؤلف محمود حمدان الذي أعرب عن فخره واعتزازه بكتابة مسلسل “ عوالم خفية” من بطولة عادل إمام فقال:"  كل سنة وأنت طيب يا زعيم، يا رب تعيش دايمًا وسطينا وفرحانين بوجودك، بحبك جدًا، وكنت فخور إني كتبتلك مسلسل "عوالم خفية"، ويا رب دايمًا بالصحة والسلامة، وكل سنة وحضرتك طيب"

 اقرأ أيضًا : 
في عيد ميلاد عادل إمام.. لقاء سويدان: كل سنة وأنت طيب يا صاحب السعادة والفضل

ليلى علوي تهنئ عادل إمام بعيد ميلاده الـ86: أيقونة صنعت أجيالًا من الفن

في عيد ميلاده.. إلهام شاهين: الزعيم "وش السعد" وأول بطولة كانت أمامه