بعد رحيل كلبها.. منة فضالي: "أول ابن ليا مات ربنا يرحمه"

تعيش الفنانة منة فضالي، حالة من الحزن الشديد بعد نفوق كلبها صباح اليوم، مؤكدة أنه أصعب يوم في حياتها، خاصة أنها تُعرف بحبها الكبير للحيوانات وحرصها الدائم على الدفاع عنها.

ونشرت منة فضالي، عدد من الصور لها برفقة كلبها، وعلقت عليها قائلة: "النهارده أوحش يوم في حياتي مات أول كلب ليا عاش معايا 12 سنة من أجمل سنين عمري عشت معاه مراحل كتير وعاش معايا حزني وفرحي".

وتابعت منة فضالي: "توفي ومكنش مجرد كلب كان ابني، أول ابن ليا هتوحشني أوي أوي أوي حفتقدك حفتقد جريك عليا أول ما أرجع من بره، وحضنك ليا وحبك الصادق اللي ملوش حدود.. 12 سنة حب ووفاء وإخلاص.. ربنا يرحمك ويا رب مكنش نقصت عليك أي حاجة".

وأضافت منة فضالي: "للأسف أوحش حاجة إني شوفتك بتموت قدامي ومقدرتش أعمل حاجة سامحني.. حتوحشني حتوحشني أوي مش عارفة حعمل إيه بجد.. مع السلامة يا صاحبي يا عشرة العمر مع السلامة يا ابني مع السلامة يا أحلي وأوفى خلق الله".  

وفي وقت سابق، أعربت الفنانة منة فضالي، عن غضبها واستيائها الشديد بعد واقعة تسميم عدد من الكلاب.

ونشرت منة فضالي، صورة لشخص اتهمته بالوقوف وراء الواقعة، عبر “فيسبوك”، وعلقت قائلة: "حسبي الله ونعم الوكيل في كل ظالم ومفتري، أي حد يسمم حيوان ربنا خلقه، دي روح.. منكم لله، ربنا ينتقم منكم".

اقرأ أيضًا:

تأخر عرض حلقة مسلسل "وننسى اللي كان" بطولة ياسمين عبدالعزيز

أحداث الحلقة 26 من مسلسل وننسى اللي كان.. جريمة ومفاجآت تغير مسار القصة

عمرو محمود ياسين: "أرزقية السوشيال يبيعون ضمائرهم مقابل النص جنيه”