أحمد داود: أراهن على "إذما" ومفيش منافسة بين أفلام العيد

عبر الفنان أحمد داود عن سعادته الكبيرة بمشاركته في فيلم "إذما" المقرر عرضه غدًا تزامنًا مع أول أيام عيد الأضحى المبارك.

أحمد داود عن فيلم إذما

وقال أحمد داود في حواره مع "تليجراف مصر" خلال العرض الخاص لـ فيلم "إذما": "أنا بحب الأفلام جدًا ومفيش فيلم بعمله مش ببقى متحمس ليه ومفيش فيلم بروح أصوره إلا لو أنا شايف إن هقدم فيه حاجة جديدة نفسي أراهن عليها وأعملها من قلبي، فيلم إذما أنا مراهن عليه وبحبه جدًا".

وتابع: “عارف إن "إذما" نزل في وقت صعب وعارف المنافسة بين الأفلام، بس هو مفيش منافسة ولا حاجة إن شاء الله الأفلام كلها تنجح، واستكمل مازحًا: "هو في 4 أيام في العيد كل يوم فيلم وبعد العيد اللي يأثر معاهم هو اللي يكمل وإن شاء الله يبقى إذما".

منى هلا: مكنتش فاهمة معنى إذما وطالعة ضيفة شرف

بينما تحدثت الفنانة منى هلا عن تفاصيل دورها في فيلم "إذما"، مؤكدة أنها لم تكن تفهم معنى اسم الفيلم في البداية حتى شرحه لها المخرج محمد صادق.

وقالت منى هلا لـ "تليجراف مصر": “مكنتش فاهمة معنى كلمة إذما بعدين سألت المخرج محمد صادق لما اتقابلنا وهو كان اليوم الوحيد لي في التصوير.”

وتابعت: "أنا مشاركة في دور صغير جدًا معاهم، وطالعة في دور مدربة الرقص بتاعتهم وبطلع في الأخر بحل لهم شفرة أو لغز".

وأضافت: "أنا مبهتمش بالترند والحاجات دي، وفي الآخر الجمهور هو اللي بيختار هو عايز يخش فيلم إيه سواء رعب أو كوميدي أو أكشن".

كما كشفت عن تجربتها مع الفنان الراحل حسن حسني، قائلة: "حسن حسني كان إنسان جميل، كنا بناكل بطيخ أنا وهو في الصيف، الله يرحمه كان إنسان زي العسل بصراحة وكان شخص عفوي ودمه خفيف معانا في الكواليس".

واختتمت: "كان زكي في اختيار الإفيهات بتاعته والكوميديان لازم يبقى شخص زكي وهو كان من أزكي البني آدمين اللي اتعاملت معاهم"

اقرأ أيضًا:

قبل طرحه بأيام.. كل ما تريد أن تعرفه عن فيلم " إذما"

ظهور مميز لـ محمد فراج وبسنت شوقي في برومو فيلم “إذما”