"طالبة تجارة طنطا" أمام النيابة: "المحامي صورني غصب عني وعمل لايف للقضية"

كلية التجارة جامعة طنطا

A . .A

أدلت الطالبة صاحبة واقعة اتهام عضو هيئة تدريس بكلية التجارة بجامعة طنطا بالتحرش بها، بأقوالها أمام جهات التحقيق، مؤكدة أن الفيديوهات المتداولة الخاصة بالواقعة تم تصويرها داخل مكتب محاميها السابق، وأنها طالبت بحذف كافة المقاطع والمنشورات المتعلقة بالأزمة.

إخلاء سبيل الطالبة ومحاميها بضمان مالي

وقررت جهات التحقيق بنيابة قسم ثان طنطا إخلاء سبيل عضو هيئة التدريس دون أي ضمانات مالية، بعد ثبوت عدم صحة الاتهامات المنسوبة إليه، كما قررت إخلاء سبيل الطالبة ومحاميها بضمان مالي لاتهامهما بنشر أخبار كاذبة بشأن الواقعة.

وجاءت أقوالها في التحقيقات كالتالي:

س: ما تفاصيل ما حدث تحديدًا؟

ج: "اللي حصل إن أنا كنت عند المحامي قبل ما ألغي الوكالة بتاعتي معاه، وبعد كده جابني من الكلية، ولقيت الصحافة موجودة بره، وقال لي: هتصوري فيديو، وده هيكون في صالح القضية، إني أحكي اللي حصل، وأنا قلت له: أنا لسه في الكلية واستنى لما أسأل والدي على موضوع الفيديو، فرد عليا وقال: مفيش وقت، وعرض عليا أعمل لايف وأنا داخل حرم النيابة، وصورني غصب عني، ومسك الفون وصورني سيلفي وأنا قاعدة جنبه، وبعد كده نزلنا روحنا على مكتبة، وهناك كان فيه صحفيين سجلوا معايا وصوروني من غير ما أعرف إنهم بيصوروا، وفجأة لقيت الفيديو على السوشيال ميديا وصورتي ظهرت فيه، وبعد ما صحيت من النوم لقيته مسح الفيديو، وأنا قلت له: شيل كل حاجة إنت نزلتها ضدي أو لصالحي، أنا عاوزة كل حاجة تتشال، وفضل يقول لي: أنا هتصرف، ووراني شات للصحفيين اللي موجودين معاه، وبعدين فضلت أبعت له على الواتس لينكات لحاجات هو منزلها، وبعدين بعت لي لينكات باسمي (ملك البطلة)، وأنا خليت ماما تكلمه وقالت له: شيل من فضلك الحاجات دي، وده كل اللي حصل".

س: متى وأين حدث ذلك؟

ج: "الكلام ده حصل في مكتب المحامي".

س: من كان برفقتك آنذاك؟

ج: "أنا كنت لوحدي".

س: وما سبب وبمناسبة تواجدك بالزمان والمكان سالفي الذكر؟

ج: "أنا كنت بره واتصل بيا وقال لي: تعالي".

س: وما هي علاقتك بالأستاذ المذكور؟

ج: "هو كان المحامي بتاعي وأنا لغيت الوكالة بتاعته".

س: وهل الوكالة ما زالت سارية؟

ج: "لا أنا لغيتها".

س: هل توجد ثمة علاقة أو خلافات بينك وبين سالف الذكر؟

ج: "لا علاقة ولا خلافات".