شوبير: "أنت كاره حسام حسن والمنتخب اقفل بوقك واسكت وبلاش إثارة فتن"

أكد الإعلامي أحمد شوبير، أهمية مساندة منتخب مصر خلال المرحلة الحالية، في ظل الاستعداد للمشاركة في نهائيات كأس العالم 2026، مشددًا على ضرورة الالتفاف حول المنتخب والجهاز الفني بعيدًا عن الانتقادات المستمرة.

وقال شوبير عبر إذاعة أون سبورت: "الأردن غيرت مواعيد الدوام للموظفين خلال فترة كأس العالم من فرحتهم بالتواجد في المونديال عشان الشعب يقدر شوف مباريات كأس العالم والدنيا كلها فرحانة بكأس العالم لكن هنا عندنا هجوم وانتقادات وكلام كتير".

وأشار إلى أن دعم المنتخبات الوطنية أمر ضروري، مضيفًا: "حتة الدعم دي شديدة الأهمية ولو حضرتك مش حابب متصرحش إحنا استحملنا ده في مباريات الأندية لما كانوا يقولوا الأهلي لا يمثل مصر والزمالك لا يمثل مصر، ماشي ياعم، طيب منتخب مصر بيمثل مين ده منتخب مصر يعني أعتقد بيمثل مصر، يعني ندعم ونساند".

أنت كاره حسام حسن والمنتخب اقفل بوقك 

وواصل شوبير حديثه مطالبًا بوقف الانتقادات التي تسبق المنافسات الكبرى، مؤكدًا: "مش عايز تدعم أقفل بوقك واسكت أنت كاره حسام حسن كاره المنتخب كاره نفسك اقفل بوقك واسكت وبلاش الكلام بتاع إثارة الفتنة، عشان دخلنا في معمعة ملهاش حدود".

واختتم رسالته بالتشديد على ضرورة مساندة المنتخب خلال البطولة، قائلًا: "فرحان في منتخب مصر إنه يخسر علم الناس اللي جنبك الحقد والغيرة والحسد وأسكت أو استنى البطولة تخلص وحضرتك قول اللي أنت عايزه بعدها".

اقرأ أيضًا..
"ستكون من أفضل لحظات حياتي".. كهربا يتحدث عن حلمه مع إنبي