وسط دعوات للمقاطعة.. ردود فعل متباينة مع صاحب فكرة “صليب على التورتة”

أثارت واقعة رفض متجري حلوى رسم صليب على كعكة عيد ميلاد حالةً واسعةً من الجدل على منصات التواصل الاجتماعي، بعدما اعتبر الشاب مايكل صاحب الواقعة رد فعل المتجرين تصرفًا عنصريًا غيرَ مقبولٍ.

"متضامنين معاك"

بين مؤيد ومعارض لموقف المتجرين، كتب محمد الجيرزاوي معلقًا على الواقعة عبر “فيسبوك”: "ياريت تشارك أسماء المتجرين دول عشان الناس تعرف وتقاطعهم، وأحب أوضح، ومعايا ناس كتير جدا مسلمين ومسيحيين متضامنين معاك في الموقف ده".

وأضاف: “لو هنقول إن كل شخص حر يبقى نفس المبدأ يتطبق على الجميع، عندنا إخوة مسيحيون عايشين معانا في نفس البلد ومن الطبيعي يكون فيه احترام متبادل بين الجميع، المسيحي بيهنئ المسلم برمضان والأعياد الإسلامية، فإيه المشكلة في تقديم خدمة عادية لعميل مسيحي خصوصا لو كانت الخدمة أصلا جزءا من طبيعة النشاط التجاري؟”.
واختتم منشوره قائلًا: “ربنا يهدينا جميعا للحق وأعتذر لك يا اخي وربنا يهدي الجميع”.

جبر الخواطر على الله

وكتبت لاما محمد: “جبر الخواطر على الله، الجواهرجي بتاعي مسيحي لما كنت لابسة آية الكرسي قالي هاتي ألمعها وصمم يلمعها بنفسه وقالي الآية لازم تبقي منورة كدة”.

وأضافت: “ابني بيتعالج عند أطباء مسيحيين وأغلب الأسرة كذلك وفي مستشفى تابع للكنيسة الانجيلية واللي بنته البعثه الأمريكية ناس منتهى الأمانة والنضافة والاهتمام ومش بيفرقوا بين مسلم ومسيحي الكل واحد”.

وتابعت: “مطاعم عندنا مسيحيين يبقوا واقفين في رمضان يحضروا المشويات واللحوم والإفطار للمسلمين وهما صايمين عن الروح”.
 

صليب على التورتة

فيما جاءت بعض التعليقات رافضة رسم الصليب على التورتة، مشيرين إلى أن الصليب رمز ديني عظيم لا يليق بوضعه على تورتة سيتم تقطيعها فيما بعد.

وكتبت موري مينا معلقة على الواقعة عبر “فيسبوك”: “أصلا مينفعش تحط صليب على تورتة وتقطيعه وأكله، لا يوافق ولا يليق، شكرًا للشيف أنه رفض”.

وكتبت مريم سمير: “أنا مسيحية وبقولك يا مايكل أنه مينفعش تحط صليب على التورتة”.

طلب كعكة بصليب يثير جدلًا

قال مايكل في مقطع فيديو نشره عبر حسابه على "إنستجرام": "مشوفتش تعصب بالشكل ده قبل كده في حياتي، دايمًا في أي عيد ميلاد بنعمل كيك للأطفال بتصاميم معينة، فالمرة دي كنا عايزين نعمل كيك عليها صليب".

وأضاف: "كلمنا مكانين وردهم كان صادم جدًا، وقالوا ممكن نعمل الكيك لكن من غير الصليب".

انتقادات ودعوات للمقاطعة

وأبدى الشاب استياءه من موقف المتجرين، مؤكدًا أنه لن يتعامل معهما مجددًا، داعيًا إلى مقاطعتهما، وقال: "هحاول أوصل الفيديو ده لناس كتير عشان ميشتروش منكم، عشان ناس زيكم بالتعصب والجهل ده مش المفروض تكونوا شغالين".

واختتم حديثه قائلًا: "بالنسبة لي ده قمة في الجهل والتعصب.. إحنا في بلد محترمة مفيهاش عنصرية، وعمري ما اتعرضت لحاجة زي كدة قبل كدة".

اقرأ أيضًا:

رفضوا رسم "الصليب".. شاب يوثق واقعة مثيرة للجدل مع محلي حلويات (خاص)