بعد تعرضه للنصب.. بلال صبري يستغيث: "ليا ملايين عند ناس ومش هسكت تاني"

بلال صبري

A . .A

كشف المنتج بلال صبري عن تعرضه لعملية نصب واحتيال من قبل عدد من الأشخاص، مؤكدًا أنه سيتخذ كافة الإجراءات القانونية اللازمة للحفاظ على حقوقه.

وأشار إلى أنه سيعلن أسماء المتورطين في الواقعة تباعًا خلال الفترة المقبلة، موجّهًا استغاثة إلى وزارة الداخلية للتدخل واتخاذ الإجراءات القانونية اللازمة لاسترداد حقه ومحاسبة المسؤولين.

بلال صبري: "أنا جبت آخري.. وأي حد ليا عنده فلوس هنزل عنه بوست"

وقال بلال صبري في منشوره عبر حسابه الرسمي بمنصة “فيسبوك”: "أنا عمري ما تكلمت عن مشاكلي الشخصية واللي يعرفني كويس يعرف قد ايه ابن بلد وعمري ما اتمنيت أزعل حد مني، بس بجد الموضوع زاد عن حده، لما يكون ليا 2 مليون عند شخص وفلوس سلف بقالهم كتير، وأكون مزنوق جدًا وداخل كام عمل محتاج كل جنيه، وييجي شخص يدعى جورج ميخائيل يقولي أنا جهة سيادية ويهددني لو نزلت أحكام للشخص اللي عليه فلوس، أحب أقولك إحنا دولة قانون وأنت مش من جهة سيادية ولا أصلًا مستشار، وأنا اتخذت الإجراءات القانونية، في ناس ليها ديون عندي متبقي أعمال وفلوس مش كبيرة خالص والله عمال أسدد ربنا أعلم، أي حد ليا فلوس عنده سواء جبت أحكام أو مفيش أحكام هنزل بوست، أنا جبت أخري فعلًا، جدعنتي لازم أبطلها، أقسم بالله ملايين".

بلال صبري: سأكشف جميع العقود خلال أسبوع وأطالب بالتحقيق في أوضاع بعض المدينين

واستكمل بلال صبري حديثه قائلًا: "ضاغط على نفسي وعمري ما كنت عايز أوصل للمرحلة دي، وأي قناة سواء كبيرة أو صغيرة في خلال أسبوع هنزل كل العقود سواء قنوات مصرية أو سعودية، مش هكبر لحد خالص، وفعلاً هعمل مؤتمر كبير بكل العقود، وأي منتج بيقولي صاحبي وأخويا خلاص معنديش طاقة".

وأضاف بلال صبري: "أول شخص هينزل ماجد اللي هو بيقول مدير إنتاج، عايز رد من نقابة المهن السينمائية دكتور مسعد فودة، هل الشخص ده مدير إنتاج ولا ينتحل صفة؟، كل واحد عليه أحكام يقولك اختفي كام سنة والحكم يسقط، برجاء من وزارة الداخلية البحث عن الشخص ده، وكل واحد هبعتلك البوست ده علشان يكون إنذار، وفيه شخص في تركيا برضو عليه فلوس وعليه أحكام، واللي بيحبني يعمل مشاركة للقبض على هذا الشخص".

وزارة الداخلية بلال صبري استغاثة بلال صبري عملية نصب واحتيال

رابط مختصر