"مش قادر أستوعب الحقيقة".. محمد شحاتة يروي تفاصيل أصعب ليلة في حياته بعد رحيل والده

شارك نجم الزمالك الشاب محمد شحاتة متابعيه تفاصيل ليلة وصفها بأنها الأصعب في حياته، معبرًا بكلمات مؤثرة عن صدمة رحيل والده ومرارة الفراق التي لا تزال تلازمه.

ونشر شحاتة عبر حسابه على “إنستجرام” تفاصيل تلك الليلة القاسية، مؤكدًا أنه مرّ بحالة من عدم الاستيعاب والصدمة النفسية الشديدة.

وقال اللاعب، والدموع تملأ عينيه: “ليلة وفاة أبويا كانت أصعب ليلة عشتها في حياتي على الإطلاق، فضلت لساعات طويلة أبص في صوره والدموع مالية عيني ومش قادر أستوعب أو أصدق الحقيقة المرة؛ إن الوش الطاهر الطيب اللي كان منوّر حياتي ومقوّيني على الدنيا، بقى فجأة مجرد صورة صامتة قدامي على الحائط”.

تساؤلات حزينة ورغبة في إنكار الواقع

وتابع شحاتة حديثه المؤثر مسترجعًا لحظات الصدمة الأولى، قائلاً: “كنت قاعد لوحدي وبقول لنفسي بكسرة نفس: معقول يا أبويا مش هشوفك تاني في الدنيا؟ معقول هتمشي وتسيبني أكمل باقي سنين عمري من غير ما أسمع صوتك أو أستند عليك؟ كنت بتمنى في اللحظات دي إن كل اللي بيحصل حواليا يكون مجرد حلم وحش، وأصحى ألاقيك جنبي”.

فراغ لا يُعوّض ووجع مستمر

واختتم نجم الزمالك كلماته المؤثرة برسالة حزينة عبّر فيها عن حجم الفقد الذي يعيشه، قائلاً: “لكن الحقيقة كانت أقسى بكتير من قدرتي على التحمل، أبويا راح وساب وراه فراغ كبير وعميق في حياتي عمره ما هيتعوض بأي حاجة تانية”.

وأضاف: “وحشني صوتك، وحشني كلامك ونصايحك ليا، وحشني وجودك الدافي في كل تفصيلة صغيرة وكبيرة في حياتي، من اليوم اللي مشيت فيه والدنيا مبقتش زي الأول أبدًا، وكل حاجة حواليا بقت ناقصاك ومالهاش طعم.. الله يرحمك يا أبويا ويغفر لك ويسكنك فسيح جناته”.

اقرأ أيضا

هاجس الهدف الرابع.. جوزيف إيلونجا صاحب أغرب واقعة في مونديال 1974