حورية فرغلي عن علاقتها بحسن شاكوش: اسألوا طليقته هي عارفة!

كشفت الفنانة حورية فرغلي حقيقة علاقتها بالفنان حسن شاكوش، خلال حلولها ضيفة مع الإعلامية بسمة وهبة ببرنامج "العرافة" والذي يعرض عبر قناة "المحور"، عقب أذان المغرب مباشرة.

وقالت حورية فرغلي "اسألو زوجة حسن شاكوش السابقة هي اللي عارفة مين اللي كانت معاه في العين السخنة، وهي عارفة كويس أوي، ومرضيتش تقول إن حورية معملتش كدا".

وتابعت “بعت لزوجة حسن شاكوش السابقة، وطلعت على ”فيسبوك" وقلت حرام عليكِ أنتِ عارفة مين اللي عملت كدا فيكِ قولي، وليه بتجيبي اسمي، وليه تقولي إن الحرف الثالث من الاسم (ر)، وكل الناس تشك فيا، وحسن شاكوش نزل قصيدة اعتذار طويلة".

واستطردت "بصراحة كده إزاي مرات شاكوش السابقة تجرأت وجابت اسمي أصلا، وكل الناس اللي عارفيني القريب والغريب محدش طلع وبرأني، وقال للناس حورية فرغلي متعملش كدا عمرها".

وأردفت: "عمري ما قابلت حسن شاكوش ولا مرة في حياتي، وجبت رقمه لما زوجته طلعت اتكلمت عني، وقلت له لي هي تعمل كدا، وحضرتك إزاي مش بتعمل حاجة خالص".

وقالت "بعد الواقعة حسن شاكوش نزل قصيدة اعتذار ليا مخصوص علشان هو اتكسف، وعلشان أنا بعيدة عنهم ولا أعرف عنهم حاجة، وأنا من النجوم المحترمين في الوسط، فإزاي هو يدخلني في حوار زي دا؟".