"قاللي كلام عيب".. فحص فيديو لفتاة تزعم تحرش شاب بها بالمنصورة

تفحص الأجهزة الأمنية بوزارة الداخلية، منشورًا مدعومًا بمقطع فيديو لفتاة تُدعى "آسيا هاني" تستغيث فيه لضبط شاب طاردها وتحرش بها لفظيًا في شوارع المنصورة فجرًا.

الأمن يفحص فيديو لفتاة تزعم تحرش شاب بها بالمنصورة 

ويقوم رجال المباحث بفحص الفيديو والواقعة للوقوف على ملابساتها للقبض على المتهم، واتخاذ كافة الاجراءات القانونية حيال الواقعة.

منشور الفتاة

ونشرت الفتاة وتدعى آسيا هاني منشور عبر  "فيسبوك"، جاء فيه: “النهارده كنت راجعة من سفر من الإسكندرية للمنصورة، قدام القرية الأولمبية.. مكنش فيه عربيات المنصورة، فركبت عربية طنطا، ولما وصلت طنطا ملقتش عربيات المنصورة، وفضلت مستنية والوقت اتأخر، فوصلت قدام بيتي في حدود الساعة 4 الصبح”. 

"تحرش بيا لفظيًا.. ورديت عليه"

وأضافت الفتاة: "عديت أشتري حاجة من السوبر ماركت الساعة 4 ونص الصبح، فالأستاذ ده تحرش بيا لفظيًا وفضل يقول كلام سافل زيه.. ولما رديت عليه قال لي: أنتِ تستاهلي عربية ملاكي تعتدي عليكِ، جريت وراه وضربته، والناس مسكته".

وتابعت الفتاة : "جريت وراه وضربته في الشارع والناس اتلمت عليه. وفضل يقول: ما أنا أكيد مش أول واحد يقولك كده. الناس مسكته، وبعدين جري ومسكوه تاني وجابوه قدامي علشان أصوره وأعمل محضر".

“موبايلي فصل وأنا بصوره.. والناس كانت شاهدة”

وأكملت: "الوقت كان متأخر الساعة 5 الصبح، ولما فتحت الفيديو أصوره علشان يقول قدام الناس زي ما قال، كان رده إنه معملش حاجة. وللأسف موبايلي فصل وأنا بصوره، بس الناس كانت شاهدة وصاحب السوبر ماركت قال إن فعلًا ده حصل".

اقرأ أيضا:

فتاة تستغيث من شقيقها بالدقهلية: اتحرش بيا وسرق جهازي تحت تأثير المخدرات