شقيق محتجز في السفينة المختطفة: القراصنة قالوا هيموتوهم خلال 3 أيام

سفينة أرشيفية

ماريا روماني

A . .A

كشف عمرو أكرم، شقيق ضابط بالسفية المحتجزة في المياه الصومالية منذ ما يقرب من شهرين، آخر التطورات بشأن السفينة وكذلك أوضاع الرهائن.

هنموت الرهائن بعد 3 أيام

وقال عمرو أكرم، شقيق الضابط مؤمن أكرم، لـ"تليجراف مصر": “أخويا والرهائن خلال تواصلهم معانا قالوا لو الموضوع مش هيتحل والفلوس توصل خلال 3 أيام، قولولنا وإحنا نغرق المركب ونموت إحنا والقراصنة علشان نخلص من اللي إحنا فيه، أخويا والرهائن اللي معاه وصلوا لحالة صعبة من الانهيار ومش لاقيين رد من المسؤولين عليهم”.

وأضاف شقيق الضابط المختطف: “القراصنة قلقانين وشكوا إنه بيتعمل عملية عسكرية ضدهم، علشان من جانبنا ساكتين ومفيش رد والفلوس لسة مارحتلهمش لغاية دلوقتي، فقالوا هيموتوا الرهاين وكان تهديد صريح، وقالوا أول واحد هيموت أخويا مؤمن وبعدين باقي الرهاين”.

وتابع: “واقعة الخطف بقالها 55 يوما محتجزين، والرهاين مفيهمش قوة عصبية ولا بدنية يتحركوا حتى، علشان مفيش أكل ولا شرب، أنا بستغيث بالمسؤولين للتحرك علشان قالولنا قدامنا 3 أيام لو الفلوس موصلتش هيبدأوا يموتوا الرهائن واحد ورا التاني”.

تفاصيل يعيشها طاقم السفينة المختطفه

وكان قد كشف ضابط على متن سفينة محتجزة في المياه الصومالية، تفاصيل صعبة يعيشها الطاقم منذ 45 يومًا تحت وطأة الاحتجاز والتعذيب النفسي والجسدي من قبل الخاطفين.

ووصف الضابط الوضع المأساوي في تسجيل صوتي حصلت “تليجراف مصر” على نسخه منه، قائلًا: "إننا نعيش في ذل مستمر، ويجبروننا على تنظيف المراحيض وراءهم بكل مهانة".

وأضاف الضابط أن الخاطفين صادروا جميع الهواتف المحمولة، مما قطع أي وسيلة اتصال بينهم وبين عائلاتهم وأطفالهم، تاركين الأسر في حالة من الرعب والترقب القاتل.