"ده مش فيديو قديم".. محمد صبحي يرد على المشككين في ظهوره

الفنان محمد صبحي

فاطمة سليمان

A . .A

أكد الفنان محمد صبحي أن الفيديو الذي نشره للرد على شائعة دخوله العناية المركزة ليس قديمًا؛ تحسبا لترويج البعض عكس ذلك، موجهًا رسالة استباقية لمن يحاول التشكيك في توقيت تسجيله.

فيديو محمد صبحي

وقال محمد صبحي في ختام الفيديو الذي نشره عبر حسابه على "فيسبوك": "بعد كلامي ده الناس هتطلع تقول ده منزل فيديو قديم، لا ده مش فيديو قديم، النهارده السبت، ومصر لاعبت إيران النهارده الصبح والاتنين اتعادلوا، إلا بقى لو في ناس خبثاء منتجوا الجزء ده علشان يثبتوا إنه قديم".

مسرحية محمد صبحي الجديدة

كما كشف عن استعداده للعودة إلى المسرح، مؤكدًا أنه يعمل حاليًا على التحضير لعرض مسرحي جديد، إلى جانب عدد من المشروعات الأخرى.

وأضاف: "حاليًا بحضر لمسرحية، وفي حاجات كتير أوي بتتحضر، وهبقى سعيد بلقائي بكم، وهيبقى لقاء حار جدًا بيني وبينكم".

رد محمد صبحي على شائعات نقله للعناية المركزة

وخرج فارس المسرح العربي عن صمته للرد على شائعات نقله للعناية المركزة، قائلًا: "الحقيقة اللي حصل ده شيء مؤسف جدًا، لأن ناس كتير من الجمهور اتصلوا بيا علشان يطمنوا عليا، وأقارب عايشين بره مصر، وأصدقاء وزملاء، يعني أنا مش معقول هقعد أمسك التليفون وأطمن كل واحد".

وتابع: "إنتوا بتعملوا كده ليه؟ بقت المسألة سخيفة جدًا في الزمن ده، وبقت مشكلة بين الفنانين والإعلاميين، وحتى اللي مش إعلاميين، وكل واحد عايز يعمل ترند، الحكاية دي مزعجة، والإشاعات بقت كتيرة جدًا، ومفيش ليها أي أساس من الصحة".

وأوضح فارس المسرح العربي أنه لم يدخل العناية المركزة كما أشيع، وإنما زار المستشفى منذ 40 يومًا لإجراء فحوصات وتحاليل دورية مع طبيبة، ولم يمكث هناك سوى ساعتين، متسائلًا: "إزاي يقولوا دخلت العناية المركزة؟".

وأكد صبحي أن المرض والموت سنة الحياة، لكن نشر الأخبار قبل التأكد منها أمر غير مقبول، داعيًا الجميع إلى تحري الدقة قبل تداول أي معلومة، مضيفًا: "لما يحصل أي شيء، ادعوا للناس بدل نشر الشائعات".

محمد صبحي يشوق جمهوره: انتظروا فيديو مهما الليلة