بسبب مباريات منتخب مصر.. آيتن عامر تسترجع ذكريات والدها الراحل برسالة مؤثرة

آيتن عامر

فاطمة سليمان

A . .A

كشفت الفنانة آيتن عامر ذكريات مؤثرة مع والدها الراحل، مؤكدة أنه كان السبب في حبها لكرة القدم، وذلك بالتزامن مع تفاعلها مع انفعالات التوأم حسام وإبراهيم حسن خلال مباريات منتخب مصر ببطولة كأس العالم 2026.

ذكريات أيتن عامر مع والدها الراحل

وكتبت آيتن عامر عبر حسابها على منصة "فيسبوك": "أبويا الله يرحمه كان أهلاوي شديد، مكنش بيفوت ماتش، وكان بيفهمني كل مصطلحات الكورة ويعلمني يعني إيه أوفسايد وضربة حرة مباشرة وفاول".

وتابعت: "بابا مكنش عنده ولد كلنا كنا بنات ومحدش كان بيحب الكورة غيري، وتقريبًا أنا الوحيدة اللى علمنى طاولة ودومينو وكان بياخدني معاه القهوة أقعد معاه ومع أصحابه ألعب معاهم طاولة".

وأضافت: "علمنى السواقة وأنا صغيرة أوي، كان بيسمعني أم كلثوم وبيحفظني أغانيها عشان أغنيهاله مع أغانى عبدالوهاب وفريد، مقدمة كبيرة شوية سببها إن افتكرت الحاجات الحلوة دي كلها عشان بضحك بسبب الشباب المستغربة انفعالات حسام وإبراهيم حسن".

واختتمت: "كل الناس دي أكيد مشافوش حسام وإبراهيم لما كانوا بيلعبوا، كانوا بجد رجالة مش بتوع هزار وأي خناقة في الملعب تشوف إبراهيم جي جري من ورا مش عشان يفض، عشان يضرب، الله يرحمك يا بابا وربنا يسترها علينا وعلى المنتخب بتاعنا".

موعد مباراة مصر القادمة في كأس العالم بعد التأهل التاريخي لدور الـ32

ومن المقرر أن يلتقي منتخب مصر مع أستراليا يوم الجمعة 3 يوليو 2026، في تمام الساعة التاسعة مساءً بتوقيت القاهرة، ضمن منافسات دور الـ32، في مواجهة يتطلع خلالها الفراعنة لمواصلة مشوارهم التاريخي في البطولة.

مباراة مصر وإيران

وحسم منتخب مصر بطاقة العبور بعد تعادله مع إيران بنتيجة (1-1) في الجولة الثالثة من دور المجموعات، ليصل إلى النقطة الخامسة، بعدما حقق فوزًا وتعادلين، ويضمن التأهل وصيفًا للمجموعة السابعة.