أول مرة يشوف ابنه.. والدة ضحية زوجها بالمنوفية تكشف معلومات صادمة (خاص)

كشفت التحقيقات في واقعة إقبال شاب على إنهاء حياة زوجته ونجله بمركز تلا بمحافظة المنوفية، كواليس وتفاصيل مثيرة حول الجريمة التي هزت الرأي العام.

اعترافات مثيرة لوالدة ضحية زوجها بالمنوفية

وحصلت “تليجراف مصر” على أقوال والدة ضحية زوجها بالمنوفية أمام جهات التحقيق حيث قالت: “من حوالي سنة تقريباً بنتي آيه اتجوزت محمود، وهو كان بيسافر السعودية عشان بيشتغل هناك وبينزل كل سنة مرة تقريباً، ومتعود أنه يحول لبنتي فلوس عشان تصرف على نفسها، ومن حوالي 4 أشهر تقريباً بنتي خلفت ولد وسموه محمد، وجوزها كان مسافر قبل الولادة بحاولي خمسة عشر يوماً ومشفش ابنه غير عن طريق التليفون وكان بيحبه جداً، وكمان هو كان مخليها تقعد عندنا في البيت في الفترة الأولى للولادة عشان أنا وإخواتها ناخد بالنا منها ومن الطفل ونساعدها”.

التحقيقات في واقعة مقتل سيدة على يد زوجها بالمنوفية

وأكملت: “المصاريف زادت عليهم في الفترة الأخيرة لما المولود جه وهو كان على طول يشتكي من مصاريف الطفل وكان بيحصل بينهم على طول مشاكل بسبب المصاريف، وبنتي كانت لسة بتدرس في الجامعة بتاعة السادات وكانت بتروح تحضر كل فترة هناك وكمان وقت امتحاناتها كنت أنا بوديها وكانت بتبقى تعبانة أوي بسبب الولادة فأنا وأبوها كنا بنقولها إنها تريح الترم ده وتبقى تكمل السنة الجاية عادي بس جوزها كان رافض الموضوع ده خالص وحصلت مشاكل بينا بسبب الموضوع ده لدرجة إننا مكناش بنتكلم معاه خالص”.

تفاصيل الجريمة

وأنهت حديثها: "يوم الخميس الموافق 6-11-2025 تفاجأنا كلنا أنه نزل من السعودية ومكنش معاد نزوله لأنه المفروض بينزل كل سنة، وكان أول مرة يشوف ابنه وقتها، وبعد كده يوم الأحد الموافق 9-11-2025 حوالي الساعة 8:30 صباحاً جالي تليفون بيقولي أن بنتي تعبانة وإنها في مستشفى شبين الكوم وأنا اخذت بعضي وروحت على هناك ولما وصلت لقتهم بيقولولي أن بنتي في الثلاجة ومش هينفع أشوفها و بعد كده أخدت بعضي وروحت على النيابة عشان أعرف إيه اللي هيحصل.

اقرأ أيضا:

"بالشاكوش".. زوج ينهي حياة زوجته في البحيرة

اعترفات مثيرة لقاتل زوجته وابنه بالمنوفية: رفضت حقوقي الشرعية فأنهيت حياتها