إبراهيم أبو العطا: أتمنى أموت وأنا بمثل

تحدث الفنان إبراهيم أبو العطا، عن ذهاب الفنانين إلى موسم الرياض بالمملكة العربية السعودية، وتصريحاته السابقة بشأن عدم اعتزاله الفن.

“السعودية بتنور مسارحها”

قال أبو العطا، في لقائه مع الإعلامية إنجي هشام، في برنامج "المنسي" المذاع عبر شاشة قناة “هي”، “السعودية طول السنة بتنتج مسرحيات، بينور مسارحه ويطفي مسارح مصر، بيطفيها كإنتاج، ومفيش حد مهتم بالمسرح غير أستاذ أحمد الإبياري، والممثلين راحوا دلوقتي يشتغلوا في السعودية، وهما اللي بيعملوا المسرحيات كل شهر بالشلة بتاعتهم ويرجعوا”.

“مش بمثل علشان فلوس”

وعن أمنياته خلال الفترة المقبلة، أوضح أبو العطا "أنا بعشق الإبداع، أنا مش بمثل علشان فلوس، أنا لا أجيد إلا التمثيل، وأتمنى من الله أني معتزلش ومقعدش في البيت وأفضل شغال، وأموت وأنا بعمل رسالة سامية الناس تستفيد بيها، ولو بعثنا والكاست اللي فوق لسة شغالة هقولهم أنا لسة جاي طازة شغلوني معاكم، يعني لو فيه ممثلين وقاعدين فاضين فوق والدنيا كويسة أنا هشتغل معاهم إيه المشكلة؟ ربنا خلق الكون كله للإبداع.

“مؤمن أن في حياة تانية”

وأضاف “أنا مؤمن أن في حياة تانية على كواكب تانية غير مكتشفة، مش جايز أطلع في طبق طائر على كوكب تاني وأمثل في مكان تاني؟”.

“ربنا يبعد عن ولادي مهنة التمثيل”

وتابع “أنا دعيت قدام الكعبة إن محدش من ولادي يحب مهنة التمثيل، لأن أدهم ابني كان ناوي يدخل اللعبة دي وأنا اشفقت عليه من العذاب اللي أنا شُفته وطلبت من ربنا يبعدهم عن هذا المجال”.