ليلى أحمد زاهر وهشام جمال يوجهان رسالة مؤثرة لابنتهما المنتظرة

ليلى احمد زاهر و زوجها هشام جمال

حياه علام

A . .A

شاركت الفنانة ليلى أحمد زاهر وزوجها الفنان هشام جمال جمهورهما بمقطع فيديو مؤثر، عبّرا خلاله عن مشاعرهما تجاه ابنتهما المنتظرة، مؤكدين أن انتظارها غيّر حياتهما، وأنهما يعيشان تجربة مختلفة مليئة بالحب والشوق قبل حتى أن يلتقيا بها.

ليلى أحمد زاهر: كنت فاكرة إني عرفت الحب بكل أشكاله

وخلال الفيديو، تحدثت ليلى أحمد زاهر عن إحساسها بالأمومة للمرة الأولى، قائلة: “كنت فاكرة أني عرفت الحب بكل أشكاله، لحد ما عرفتك، فجأة لقيت جوايا مشاعر مش عارفة أوصفها ولا أفهمها.”

وأضافت: “ لسه ماشوفناكيش ولسه ماسمعناش صوتك، بس بدأتي تغيري فينا من قبل حتى ما نقابلك".

واختتمت حديثها بكلمات مؤثرة: “نفسنا الوقت يعدي بسرعة وتبقي معانا وتعرفي قد إيه إحنا بنحبك… مستنينك.”

View this post on Instagram

A post shared by Vogue Arabia (@voguearabia)

هشام جمال.. المهم تعيشي بطريقتك

من جانبه، وجّه هشام جمال رسالة مؤثرة لابنته، قال فيها: “الغريب إن إحنا بدأنا نحس فعلًا بنوع حب جديد، وبقت حياتنا وأيامنا كلهم عنك.”

واستكمل: "مش مهم تاخدي إيه من أي حد فينا، المهم تعيشي بطريقتك.”

واختتم: “إحنا بنحضر نفسنا بكل طريقة علشان لما تيجي تحسي إن مكانك موجود ومستنيكي.”

تفاعل الجمهور مع حمل ليلى زاهر

ولاقى الفيديو تفاعلًا واسعًا عبر مواقع التواصل الاجتماعي، حيث عبّر المتابعون عن تأثرهم برسالة ليلى أحمد زاهر وهشام جمال، متمنين لهما ولطفلتهما المنتظرة دوام الصحة والسعادة، ومشيدين بالمشاعر الصادقة التي عبّر عنها الثنائي في أول رسالة لابنتهما قبل ولادتها.

مولود ليلى زاهر الأول

وفي وقت سابق، قالت ليلى في تصريحات لـ"et بالعربي": "حقيقي أنا متحمسة جدًا للأمومة، وأنا كان نفسي في ولد، لكن لما طلعت بنت أتبسط أوي، إني هكمل سلالة عيلتي علشان إحنا 4 بنات إخوات".

وأضافت: "بابا لما عرف الخبر مصدقش نفسه وإن إزاي بنته الصغيرة اتجوزت وبقت حامل، ولسه محددناش هنسميها إيه ممكن نسيب الناس تقترح علينا".

بينما قال زوجها الفنان هشام جمال: "أنا برضو متحمس جدًا وفي نفس الوقت خايف بس أنا بعرف الحمدلله أستعد لكل مرحلة".

وتابع: "ليلى برضو كنت بشوفها أم جدًا لإخواتها الصغيرين وكنت بشوف هي إزاي بتاخد بالها منهم فحاسس إن هي كمان مستعدة".