"كلامي مش موجه ليه".. أحمد العوضي يحسم جدل خلافه مع محمد إمام بسبب الإيرادات

خرج الفنان أحمد العوضي عن صمته للرد على الجدل الذي أُثير خلال الساعات الماضية بشأن المقارنة بين إيرادات فيلمه وإيرادات فيلم الفنان محمد إمام "صقر وكناريا" والمشادة التي حدثت بينهما عبر منصات التوصل الاجتماعي.

حقيقة خلاف أحمد العوضي ومحمد إمام على الإيرادات

وقال أحمد العوضي في تصريحات لـ"et بالعربي": "محمد أخويا وزميلي ونجم كبير وبحترمه جدًا كنجم وأنا باركتله على الفيلم على فكرة، ومحدش يتخيل إن أنا ومحمد في بينا صراع أو عداوة، اللي بينا منافسة شريفة".

وتابع: "الكلام اللي حصل على السوشيال ميديا مش موجه لمحمد، الكلام كان موجه للجهة اللي بتطلع كده وقالوا إن وقت ماتش مصر والأرجنتين جابوا 6 مليون، اللي هو جبتهم إزاي ده إيراد عيد ده، يعني مصر كلها بتشوف الظلم التحكيمي اللي حصل معانا في ماتش ميسي وإنت رايح تجيب 6 مليون".

واختتم العوضي حديثه بالتأكيد على أن محمد إمام لا علاقة له بالأزمة، موضحًا: "محمد ملوش دعوة، هو بينزل الإيرادات اللي بتجيله، وأنا كان ردي على البوست نفسه لأنه بالنسبة لي كان غير منطقي، هو أصلا مين دخل السينما في ماتش مصر مع الأرجنتين؟".

ماذا حدث بين أحمد العوضي ومحمد إمام؟

بدأت الأزمة بعدما نشر محمد إمام مقارنة للإيرادات معلقًا عليها: "جزء بسيط من ايرادات إمبارح في السينمات، مش عارف ليه في ناس بتزود في الإيرادات علشان يبانوا ناجحين.. معلش"، ليرد عليه العوضي بمنشور مماثل وهو يقارن بين إيرادات الفيلمين، وكتب: "مش عارف ليه الناس بتزود في الإيرادات بالأونطة، قالك إحنا جايبين 6 ملايين يوم ماتش مصر والأرجنتين، كنتوا بتعرضوا الماتش في السينما ولا إيه".

وبعد تصاعد الجدل، تدخل نقيب المهن التمثيلية، الدكتور أشرف زكي، مطالبًا الطرفين بحذف المنشورات، وهو ما استجاب له الفنانان، لتنتهي الأزمة بينهما.

اقرأ أيضًا:

شهامة الـ50 ألف وتهديد معجبة.. 3 مواقف وضعت أحمد العوضي على عرش الترند

سيدة تفاجئ أحمد العوضي في عرض "شمشون ودليلة": هتسيبني أروح لوحدي؟

لقطات إنسانية لـ أحمد العوضي داخل سينما مول مصر