من ألبوم "مش هتكرر".. كواليس أغنية "اتحامى فيا" لـ تامر حسني

كشف الموزع أحمد عبدالسلام كواليس التعاون مع الفنان تامر حسني في ألبومه الجديد "مش هتكرر" من خلال أغنية اتحامي فيا.

أغنية اتحامي فيا تامر حسني

وقال أحمد عبدالسلام لـ"تليجراف مصر": "أغنية اتحامي فيا آخر أغنية اتعملت في الألبوم، تامر بعتهالي من أسبوعين، وقالي أسمع الأغنية دي كده وبعد ما كنت خلاص بنام أنا قومت فورا وقولتله انا رايح أشتغل عليها".

وأضاف: "الحمدلله إنها طلعت بالشكل الحلو ده وكنت متوقع إن الأغنية دي هتعجب الناس لأنهم بيحبوا الأغاني الرومانسية بصوت تامر ويارب تنجح أكتر".

وأغنية “اتحامى فيا” من كلمات أحمد المالكي وتامر حسني، وألحان محمد يحيي وتامر حسني، وتوزيع أحمد عبدالسلام.

كلمات أغنية اتحامي فيا

وجاءت كلمات الأغنية كالتالي: “حبيبي فرحتي النهارده تملى كل القلوب، اه ياجمالك يا دنيا يا حلاوة المكتوب، سلمتلك قلبي سلمتلك أمري، كسبتني إنتا أكبر انتصار فـ عمري، اتحامى فيا م الدنيا ديا، ماتخافش تاني من الحياه سيبها عليا، بقى ليك حبيبي تسند عليه و شريك حياه، تطمن معاه، اتحامى فيا م الدنيا ديا، ماتخافش تاني من الحياه سيبها عليا، بقى ليك حبيبي تسند عليه و شريك حياه، تطمن معاااه".

أغاني ألبوم تامر حسني مش هتكرر

ويضم ألبوم تامر حسني الجديد 14 أغنية وهي: "بنت مين"، و"وش الخير"، و"يا خسارتنا"، و"ما تيجي"، و"مولعينها"، و"قال فاكريني"، و"مش هتكرر"، و"في القلب"، و"ما تمشيش"، و"وبعيش على الذكرى"، و"دهب قشرة"، و"متأثر بغيابه"، و"اتحامي فيا".

وتعاون تامر حسني في ألبومه الجديد مع نخبة من الشعراء والملحنين، منهم تامر حسين، وعمرو مصطفى، وأمير طعيمة، ومصطفى حدوتة، وعزيز الشافعي، وغيرهم.

اقرأ أيضًا:

"مش هتكرر" لتامر حسني يكتسح أنغامي بـ4 أغنيات في Top 20

أول تعليق من تامر حسين على تفاعل الجمهور مع أغانيه في “مش هتكرر” (خاص)

بعد 4 ساعات من طرحه.. كم حقق ألبوم تامر حسني "مش هتكرر" على أنغامي؟