مصطفى حدوتة: لو ألبوم عمرو دياب فيه ريحة مهرجانات يبقى بسببي

تحدث الشاعر مصطفى حدوتة بعد مشاركته في ألبوم عمرو دياب الجديد بأغنية "الألوان"، والتي تحمل طابعًا مختلفًا بالنسبة للون الهضبة الذي اعتاده الجمهور.

ريحة مهرجانات 

وقال حدوتة في مداخلة هاتفية مع الإعلامي عمرو أديب خلال برنامج الحكاية، عبر قناة “إم بي سي مصر”، مساء السبت:"ألفت بنت الجيران، وعود البطل، وبسكوتاية مقرمشة، لغة المهرجانات هي اللغة السائدة دلوقتي".

وعلق عمرو أديب، على تصريح حدوتة، قائلًا: “أنا بقول ليه ألبوم عمرو دياب فيه ريحة مهرجانات السنة دي”، فيما تفاعل حدوتة ضاحكًا: "لو فيه ريحة مهرجانات في ألبوم عمرو دياب يبقى بسببي أنا".

ألبوم تحفة

وأضاف: "ألبوم عمرو دياب تحفة، بس طبعًا أغانيا أحلى"، ليرد عمرو أديب قائلاً: "يا بني بشويش على نفسك فيه شعراء تانيين جامدين".

ودافع حدوتة عن وجهة نظره، قائلًا: "بحب حاجتي زي ما كل واحد بيحب حاجته".

اسمه الحقيقي 

ردًا على سؤال أديب بشأن اسمه الحقيقي، قال حدوتة: "اسمي الحقيقي مصطفى بدران، والشهرة حدوتة، وفيه ناس بتدلعني بتقولي يا بحر".

أغنية الألوان 

قدم الفنان عمرو دياب لونًا مختلفًا في أغنية "الألوان" ضمن ألبومه الجديد "حبيتك"، بإيقاع شعبي خفيف، وهي من كلمات شاعر المهرجانات مصطفى حدوتة، وألحان إيهاب عبدالواحد، وتوزيع أحمد إبراهيم.

كلمات أغنية الألوان

تقول كلمات أغنية الألوان:

الأحمر شكله عليكي خطير وجنان خالص

يا فراولة أنا نفسي أشربها عصير، عطشان خالص

الأسود شكله عليكي رهيب وجميل خالص

طب ليه بيقولوا اللون ده كئيب، ده لذيذ خالص

حلوة الضحكة وحلو الفستان، آخر جمدان وجديد في جديد

ازاي حلوة في كل الألوان، بابا كان فنان يا حبيبتي أكيد

البني إنتِ احلويتي جواه، بسكوت خالص

أو هو احلو عشان لبساه، بقى موت خالص

الأبيض بيخليكي ملاك وقمر خالص

ولوحدك إنتِ في حتة هناك وعسل خالص

حلوة الضحكة وحلو الفستان، آخر جمدان وجديد في جديد

ازاي حلوة في كل الألوان، بابا كان فنان يا حبيبتي أكيد