"مفيهاش حتة سليمة".. فتاة تصدم سيدة بسيارة “جولف كار” في الساحل

نشرت فتاة تدعى “نور رشيدي” منشورا عبر صفحتها على “فيسبوك” يفيد بتعرض والدتها لحادث دهس من سيارة جولف كار تقودها فتاة في الساحل.

بنت عندها 16 سنة خبطت أمي 

وقالت الفتاة في المنشور: “واحدة وبنتها ماشيين عادي خالص على رجليهم راجعين من البحر في الساحل، تيجي طفلة عندها 16 سنة سايقة جولف كار بسرعة تشيل الست تطيرها، والست دي دلوقتي مرمية في المستشفى مفيهاش حتة سليمة حرفيًا، ومصابة بكسور و شروخ في كل حتة".

سلسلة من العمليات

وأضافت الفتاة: “الست دي خضعت لسلسلة من العمليات، وهتفضل في رحلة علاج هتستمر من 6 أشهر إلى سنة كتقدير مبدئي، أسرة كاملة اتشقلب كيانها وبتشوف أيام من الألم والرعب ميتوصفش، والست دي للأسف تبقي أمي”.

حيرة من اتخاذ إجراء 

وتابعت الفتاة: “دلوقتي الإجراء السليم إيه بقي، هل نقول معلش عيلة وغلطت ولا ناخد إجراء ونضيع مستقبلها عشان هي وأهلها اللي سايبنلها عربية جولف في الساحل ومش واخدين بالهم أن بنتهم ممكن تدمر حياة عيلة يعرفوا إن الله حق، لحد امتى هنفضل سايبين عيالنا كده”. 

فحص للواقعة 

ومن جانبها، تعمل الأجهزة الأمنية بوزارة الداخلية، على فحص الواقعة وإجراء تحريات حولها لكشف ملابساتها وضبط القائمة على ارتكابها لاتخاذ الإجراءات القانونية.

اقرأ أيضًا: 

"الداخلية" تفحص واقعة دهس سيدة على يد 3 مراهقين بحدائق أكتوبر

بعد هروبه بالتروسيكل.. سقوط سائق "ربع نقل" دهس سيدة حامل وشاب في حلوان

دهس سيدة وهرب.. ضبط سائق سيارة نصف نقل بمدينة بدر