عصام عبد الفتاح يحسم الجدل: لا مجاملات للأهلي.. ولا تدخلات في التحكيم

تحدث عصام عبد الفتاح رئيس لجنة الحكام الجديد، عن حقيقة وجود أزمة مع النادي الأهلي، بعد تواجده في رئاسة لجنة الحكام سابقًا.

وقال عبد الفتاح في تصريحات لملعب “البلدوزر” مع الإعلامي مجدي عبد الغني: “كل التقدير للنادي الأهلي وكل أندية مصر وإحنا هنكون على مسافة واحدة من الجميع”.

لا مجاملات في الموسم الجديد والاستبعاد للمقصرين

واضاف: "سيكون هناك مفاجأة من الناحية الثقافية للحكام مش هتكون موجودة في العالم، وإحنا عايزين نفتح صفحة جديدة من أجل الكرة المصرية".

وتابع: "لن يكون  هناك مجاملات للحكام واللي هيبذل مجهود هنساعده ينجح واللي مش بيبذل مجهود هيكون في استبعاد، اللي هيحكم دوري ممتاز لازم يكون جاهز".

وواصل: “كل لجنة فرعية هيكون فيها محاضر معتمد وهيكون في تمارين وهنسابق الزمن عشان احنا رجعنا لورا”.

واختتم: “مفيش تدخلات نهائي في أمور  الحكام واتمنى الناس تصبر علينا ويدونا 3 شهور وبعد الـ3 شهور الناس تتكلم وتحكم علينا”.

اقرأ أيضًا:

تيتو يعلن رحيله عن الزمالك: الدوري كان إعجازيا.. والوايت نايتس سر التتويج