بيومي فؤاد: إحنا بتوع فلوس.. ويستشهد بـ فؤاد المهندس

تحدث الفنان بيومي فؤاد، عن أزمته الشهيرة بسبب مشاركته في مسرحية بموسم الرياض، في بداية حرب غزة، وتصريحاته المثيرة للجدل التي أدلى بها حينها على خشبة المسرح، وذلك خلال لقائه في  برنامج “حبر سري” مع الإعلامية أسما إبراهيم.

بيومي فؤاد: إحنا بتوع فلوس

 الفنان بيومي فؤاد وقف على المسرح حينها وألقى كلمة قال خلالها “إحنا مش بتوع فلوس” خلال عرض مسرحية “جوازة صناعي”، ردًا على موقف الفنان محمد سلام باعتذاره عن عجم المشاركة بسبب أحداث غزة.

عقّب بيومي فؤاد على اعتذار زميله محمد سلام عن العرض، قائلًا “إحنا مش بتوع فلوس إحنا بتوع فن”.

ولاقى حينها الفنان بيومي فؤاد هجومًا حادًا من الجمهور والمتابعين، حيث علق بعضهم “انتم بتوع رقص.. هو دا الفن”.

وقال الفنان بيومي فؤاد خلال لقائه في برنامج "حبر سري": بعتذر عن تصريح إحنا مش بتوع فلوس.. لأ الحقيقة إحنا بتوع فلوس.. أيوة بتوع فلوس بشتغل وباخد فلوس .. وانتم متعرفوش إحساس الكوميديان وهو داخل على المسرح".

فؤاد المهندس

واستشهد بيومي فؤاد بموقف مع الفنان الكبير فؤاد المهندس مع الإعلامي الكبير مفيد فوزي، قائلًا “شوفتوا الأستاذ الكبير فؤاد المهندس.. لما الإعلامي الكبير مفيد فوزي دخل عليه الكواليس واتعصب عليه إزاي.. فإحنا نعمل إيه كم التوتر وضربات القلب السريعة وبطننا اللي بتوجعنا واحنا داخلين .. دا بفلوس”. 

وتابع بيومي فؤاد: الجمهور يرى كما يرغب، هما شايفين إننا بنروح نرقص ونغني عشان ناخد فلوس، تمام دا شغل إن كان رقص أو كوميديا، محدش بيشتغل ومبياخدش فلوس. 

حذف كلمة مهمة

وصرح بيومي فؤاد، بأنه تم حذف أول جملة من الفيديو الذي انتشر عقب أزمة موسم الرياض الشهيرة، خلال عرض مسرحية “جوازة اصنطاعي”، قائلًا "شالوا أول جملة ليا في الفيديو كنت بقول أنا فنان مصري و ليا الشرف..  وجابوا من أول جملة جيت السعودية و ليا الشرف عشان أقدم فن”.

وردت الإعلامية أسما إبراهيم قائلة “حذفوها عشان يسيبوا الجملة اللي توجع أكتر”، فقال لها "لا هما  قالوا يالا شيلوا دي خلوا اللي يهينه أكتر “.

اعتذار بيومي فؤاد 

وقدم الفنان بيومي فؤاد الاعتذار لجمهوره، قائلًا “بشكر كل واحد أحترم بيومي فؤاد وفنه .. أو حتى زعلان منه “انتم فوق دماغي.. ومن بعد الحلقة لو زعلانين مني أقسم بالله أجيلكم لغاية البيت لحد بابكم .. الفنان من غير جمهور ولا حاجة ”.

يعد ظهور الفنان بيومي فؤاد في برنامج "حبر سري" أول ظهور له عقب أزمة الرياض، وتصريحاته ضد محمد سلام،  عقب عرض مسرحية “جوازة اصطناعي”.