ابنة عمرو محمد علي ترثي والدها برسالة مؤثرة: "هتوحشني أوي يا شقشق"

وجهت نور، ابنة الفنان الراحل عمرو محمد علي، رسالة مؤثرة إلى والدها الراحل، استرجعت خلالها عددًا من ذكرياتها وتفاصيل علاقتها به، مشيرة إلى أن الكثير من المشاعر والكلمات لا تستطيع التعبير عنها.

وكتبت نور عبر فيسبوك: "للأسف عمري ما كنت من الأشخاص اللي بيعرفوا يشرحوا مشاعرهم ولا يعبروا عن اللي جواهم، جوايا كلام ومشاعر كتير، لكن بحب دايمًا الخصوصية، وخصوصًا في المواضيع الحساسة، حتى مع أقرب الناس ليا" .

وأضافت: “كل اللي أقدر أقوله إنك هتوحشنا يا شقشق، وهيوحشني خفة دمك، دايمًا كنت مختلف في خفة دمك وطريقة كلامك، وكنت بتظهر إنك قوي ومش متألم، ومكنتش أبدًا تشتكي”.

ابنة عمرو  محمد علي تستعيد ذكرياتها مع والدها الراحل 

وتابعت نور مستعيدة تفاصيل خاصة من ذكرياتها مع والدها: “دايمًا كنت تضحك حتى وإنت متألم، وأنا طلعالك في دي يا شقشق، هيوحشني أول ما تشوفني تقولي شاهي حبيبة بابي، وتمسك إيدي وتبوسها، هيوحشني تفاصيل صغيرة كتير مش عارفة أعبر عنها”.

كما تحدثت عن فيديو قديم جمعها بوالدها، قائلة: “مش قادرة حتى أتفرج على الفيديو ده دلوقتي، لكن أنا حافظة كل كلمة فيه وفاكرة التفاصيل بالرغم إنه من سنتين أو أكتر. وفاكرة إنك قلتلي افتحي فيديو عشان أقول حاجة وننزله، وأنا وقتها قلت مش هفتح أي مواضيع قديمة تاني، وحبيت إني أحتفظ بالفيديو لنفسي”.

واختتمت نور رسالتها قائلة: “هتوحشني أوي والله، آسفة لو كلامي متلخبط ومش مترتب”.

من هو عمرو محمد علي؟

ولد عمرو محمد علي في القاهرة عام 1975، وبدأ مشواره الفني في طفولته خلال فترة الثمانينيات، وشارك في عدد من الأعمال الدرامية والسينمائية التي تركت بصمة لدى الجمهور.

وحقق الفنان عمرو محمد علي، شهرة واسعة من خلال شخصية “شقشق” التي قدمها في مسلسل “أرابيسك” عام 1994، إلى جانب مشاركته في عدد من الأعمال البارزة، من بينها مسلسلات "ليالي الحلمية"، وأفلام “مستر كارتيه” و"سارق الفرح" و"العذراء والعقرب".

اقرأ أيضًا:

هل رحل عمرو محمد علي بمرض سيلين ديون؟