بيزيرا أمام جلسة حاسمة مع الزمالك.. والجنسية الإماراتية كلمة السر

أكد الإعلامي محمد المحمودي، أن هناك إغراءات كبيرة عرضت على البرازيلي خوان بيزيرا، لاعب الفريق الأول لكرة القدم بنادي الزمالك، بخلاف المقابل المالي.

وقال المحمودي، في تصريحات عبر قناة “أون سبورت”: "الفلوس اللي جاية من الإمارات وصلت إلى 4 أضعاف ما يتقاضاه بيزيرا في الزمالك من حيث الراتب”.

عرض الجنسية الإماراتية على بيزيرا

وأضاف: "المفاجئ أكتر من قصة الفلوس، إن بيزيرا في الحديث مع وكيل أعماله، عُرض عليه الجنسية الإماراتية، وهنا الكلام يختلف، لأن بيزيرا واحد من اللعيبة اللي عارف كويس جدًا إنه لا يوجد أي احتمال من قريب أو بعيد إنه يلبس تيشيرت البرازيل في يوم من الأيام".

وأوضح: “لما تعرض على لاعب صغير في السن إنه يحصل على الجنسية الإماراتية لو قعد عدد معين من السنوات، الموضوع يصبح مغريًا جدًا”.

وتابع: “شباب أهلي دبي ينفي كليًا هذا الأمر، وينفي قصة وجود عروض، ويؤكد احترامه للزمالك ولعقده مع الزمالك، وإن مفيش حاجة من الكلام ده، وده نفي طبيعي جدًا، لكن أنا بقول لحضراتكم إيه اللي وصل للاعب في هذه الأثناء”.

وأشار إلى أن الزمالك تحرك لحفظ حقوقه، قائلًا: "الزمالك في الساعات الأخيرة بعدما تقدم بالمذكرة الاستباقية الخاصة بضمان حقوقه، من حيث خصم كل المبالغ اللي يقدر يخصمها من عقد بيزيرا الجديد بعد تغيبه، والتأكيد على موقفه الحالي بأن الراجل معندوش أي سبب منطقي لفسخ التعاقد".

وسيط يتدخل لحل أزمة بيزيرا مع الزمالك

وأضاف: “التشديد على فكرة شباب الأهلي دبي تحديدًا، إنه لو جه عرض تاني أو هناك محاولة مع اللاعب، ده هيدخل في إطار التحريض، لأن أنت بعت عرض ليا وأنا رفضت، فأنت لو مكمل يبقى أنت عايز تاخد اللاعب من ورايا”.

وكشف: "بيزيرا عن طريق وسيط، وهو شخصية رفيعة المستوى، قرر التدخل لعمل جلسة ما بين مسؤولي نادي الزمالك وبين وكيل أعمال بيزيرا، في حضور اللاعب نفسه، والجلسة دي هتتم في غضون الساعات القادمة".

واختتم: "الكلام فيها هيكون ارجع لعقلك، تعالى على مصر، امتثل للعقوبات اللي الزمالك وقعها عليك بسبب الغياب، انتظم في التدريبات واقفل موضوع الرحيل في الوقت الحالي، ولو عايز تتكلم في الرحيل في يناير، في باب للرحيل بس مش دلوقتي".

اقرأ أيضًا..