زياد حجاج بعد هروبه من بعثة المنتخب: 700 جنيه يعملوا إيه؟.. وهرجع في حالة واحدة

وجّه زياد حجاج أبو جبل، لاعب منتخب مصر للمصارعة الحرة، رسالة إلى أسرته والجماهير، عقب اختفائه من بعثة المنتخب في سلوفاكيا بعد مشاركته في بطولة العالم للشباب، مؤكدًا أنه يسعى لتحقيق حلمه والعودة إلى مصر محققًا إنجازًا يرفع اسم بلاده.

ونشر اللاعب رسالته عبر حسابه الرسمي على موقع التواصل الاجتماعي «فيسبوك»، وتحدث خلالها عن الضغوط التي مر بها، إلى جانب ظروف سفره ومشاركته في البطولة.

زياد حجاج: سامحوني ومتزعلوش مني

وقال اللاعب: “أنا اللاعب الدولي زياد حجاج أبو جبل، لاعب منتخب مصر للمصارعة الحرة، أنا عايز أقول لأبويا وأمي متزعلوش مني، أنا عملت كده علشان أبقى في نظر نفسي راجل، ومش هرجع مصر، بلدي الحبيبة، إلا وأنا مشرفها، سامحوني”.

وأضاف: “‏أنا تعبت كتير، وتعبت أبويا قوي معايا، وكلفته كتير، وهو معاه سبعة إخوات غيري، وما كانش ينفع غير إني أرجع مصر ومعايا الميدالية، وإن شاء الله هيحصل”.

وتابع: “‏أنا حبيت أقول لكل اللي ظلمني وظلم أبويا وإخواتي: هم سفروني لوحدي من مطار القاهرة إلى سلوفاكيا، وما حدش كان معايا من البعثة، وما كانش في دماغي أي حاجة، اتصلت بيهم وروحت على البطولة ولعبت، وأنا كنت مصاب في الضلع اليمين، وأصريت ألعب علشان أحقق حلمي وأجيب ميدالية لمصر”.

وأتم: “‏أنا كل اللي باخده في الشهر 700 جنيه، وأنا لاعب دولي، هيعملوا إيه ولا إيه؟ لكن أنا المسؤول عن القرار ده، بعد الضغوط دي كلها، ما كانش ينفع أرجع تاني”.

اقرأ أيضًا:

تشكيل الزمالك المتوقع ضد السويس بتروجت في الدوري.. حسام أشرف أساسيًا

الزمالك وبرشلونة وصلاح.. مواعيد مباريات اليوم الإثنين والقنوات الناقلة