"هشيل الليلة لوحدي".. كريم شحاتة يفجر مفاجأة جديدة بشأن واقعة مباراة الأهلي وزد

كريم حسن شحاتة

A . .A

أكد الإعلامي كريم حسن شحاتة أن المعلومات الخاصة بالحكم محمد معروف والمحادثة المزعومة مع وائل جمعة، وصلت له ولفريق إعداد برنامجه، مشددًا على أنه لا يرغب في الكشف عن تفاصيل مصادر المعلومات حتى لا يتسبب في ضرر لأي شخص.

المعلومة وصلت من نادي زد

وقال كريم حسن شحاتة، خلال مداخلة هاتفية مع الإعلامي أبو المعاطي زكي عبر البث المباشر، إن المعلومة وصلته من نادي زد، موضحًا: “كانوا متضايقين من اللي حصل من أخطاء تحكيمية”.

وأضاف: "اللي مخليني متأكد لما كابتن محمد معروف وكابتن وائل جمعة ظهروا في فيديو وهما بيتكلموا مع بعض، وبعد كده حصل التغيير بتاع علي محمود، ترتيب الأحداث”.

وتابع: “مش عاوز أتكلم في تفاصيل، وأنا مش بتاع مشاكل مع أندية، ومفيش مذيع يتحدى نادي أو أقوى من نادي، وأنا متحمل مسؤولية اللي قلته، ولو ما كنتش متأكد ما كنتش قلت أعتذر على إيه؟”.

مفيش مؤسسة بتدافع عني

وعن نفي وائل جمعة، قال كريم: “هو هيقول لك الحكم قال لي؟»، مشيرًا إلى أنه يرى نفسه “أضعف طرف في القصة”، وأضاف: “مفيش مؤسسة بتدافع عني وأنا بدافع عن نفسي”.

وأوضح: "أتمنى أن أستمع للـVAR، ومفيش حاجة تتشال وتتمنتج من الحتة دي، الخمس دقايق قبل تغيير لاعب الأهلي”.

وزاد: “اتكلمت مع كابتن عصام عبد الفتاح وقلت له: إحنا بنساند الحكام، وعندي ثقة فيك، وقال لي: إنت شخص محبوب في الوسط وما بتعملش أزمات”.

وتابع: “أنا، ككريم، حاسس إني هتظلم في القصة دي وهشيل الليلة لوحدي، أنا عارف تفاصيل مش قادر أحكيها وأحرج ناس، ولو اتسألت هتنفي، ومش مصادر من زد، فيه ناس تانية”.

وشدد على أن الواقعة لا تخص النادي الأهلي، كما أشار إلى واقعة ضربة الجزاء الخاصة بعلي محمود، قائلًا: “لما بتكلم في حاجة عارف بقول إيه، نزل بعد كده أحمد رضا، السيناريو اللي قلته حصل صوت وصورة”.

"الأعلى للإعلام" يستدعي ممثل قناة الحياة بسبب مخالفات برنامج كريم حسن شحاتة