محمود عبدالعزيز كان المرشح الأول.. كواليس اختيار عمر الشريف في "حسن ومرقص"

عماد الدين أديب ولميس الحديدي

A . .A

تحدث الإعلامي عماد الدين أديب، عن كواليس الخلاف بين الفنان عادل إمام، والفنان محمود عبدالعزيز، بسبب فيلم “حسن ومرقص”، وكيف تم اختيار الفنان عمر الشريف لدور "حسن".

كواليس خلاف محمود عبدالعزيز وعادل إمام في “حسن ومرقص”

وقال عماد الدين أديب في لقائه ببودكاست "موعد مع لميس": "فيلم حسن ومرقص الأول كان هيكون شريك الأستاذ عادل إمام هو الأستاذ محمود عبدالعزيز لكن اختلفوا، وبعد ما كنت نجحت إني في مهرجان كان، أقعدهم مع بعض وأصالحهم، لأن كان موضوع رأفت الهجان رجع اتفتح تاني ودا كان سبب، عادل إمام قال لي أنا مش ممكن اشتغل معاه ومحمود عبدالعزيز قال أنا مش عايز اشتغل معاه".

Screenshot 2026-09-01 131557 — عماد الدين أديب

اختيار عمر الشريف في “حسن ومرقص”

وتابع: "رجعت لأستاذ عادل إمام وسألته هنعمل الفيلم مين هيبقى الطرف التاني اقترح أسماء كلها أقل كتير من الأستاذ محمود عبدالعزيز، قلتله مينفعش أنت سواء مثلت دور المسيحي أو المسلم لازم يكونوا الطرفين متعادلين قال لي أنا مفيش حد موازي ليا أو في قيمتي غير عمر الشريف، بعد ساعة كان عمر الشريف داخل المكتب قدامه".

وأضاف عماد الدين أديب: "كلمت عمر الشريف ووافق على التليفون وجيه المكتب وسلم عليه وقلت لأستاذ عادل إمام دا شريكك في الفيلم، وكان من أعظم الناس عمر الشريف بيجي في ميعاده ومذاكر ولابس الشخصية وعارف حوار الطرف اللي قدامه مش بس حواره هو".

أحداث فيلم “حسن ومرقص”

ودارت أحداث فيلم حسن ومرقص، حول تعرض القس "بولس" لمحاولة اغتيال، فتجعله الحكومة ينتحل شخصية “الشيخ حسن”، وفي نفس الوقت يحاول أفراد جماعة إرهابية قتل “الشيخ محمود” بعد رفضه الانصياع لمحاولة ضمه لتنظيمهم، فتقرر الحكومة أن تحميه كذلك بانتحاله شخصية “مرقص”، وتنفجر سلسلة من المواقف الكوميدية عقب لقاءهما بشخصياتهما المختلقة.